စစ်ကိုင်းတိုင်း၊ ရွှေဘိုမြို့ ဆိပ်ခွန်ရွာ၌ တပ်စွဲထားသော အကြမ်းဖက်စစ်ကောင်စီတပ်သားများ စျေးဝယ်အပြန်တွင် မိုင်းဆွဲတိုက်ခိုက်ခံရပြီး အကြမ်းဖက်စစ်သား သုံးဦးသေဆုံးကြောင်း SNAKE EYES PDF အဖွဲ့ကထုတ်ပြန်သည်။
ဧပြီ ၉ ရက်က ရွှေဘိုမြို့နယ် ဆိပ်ခွန်ရွာရှိ တပ်စွဲထားသော စစ်ကောင်စီတပ်သားများ ဈေးဝယ်အပြန်တွင် SNAKE EYES PDFနှင့် C&T SHWEBO တို့မှ အသင့်စောင့်၍ မိုင်းဆွဲတိုက်ခိုက်ခဲ့ရာ စစ်ကောင်စီဘက်မှ သုံးဦး သေဆုံးပြီး နှစ်ဦး အပြင်းအ ထန် ဒဏ်ရာရရှိခဲ့ကြောင်း၊ ပြည်သူ့ကာကွယ်ရေးတပ်ဖွဲ့များ ထိခိုက်မှုမရှိဘဲ ပြန်လည် ဆုတ်ခွာလာနိုင်ခဲ့ကြောင်း SNAKE EYES PDF အဖွဲ့က အသိပေးသည်။
“ပထမ နှစ်ယောက်သေတယ်ကြားတာ။ သုံးယောက်ထိသွားတယ်လို့ ထပ်သိရတယ်”ဟု ရွှေဘိုဒေသခံတစ်ဦးက ပြောသည်။
အဆိုပါဖြစ်စဥ်နှင့်ပတ်သက်၍ ဒေသတွင်း PDF နှစ်ဖွဲ့အား ဆက်သွယ်မေးမြန်းထားသော်လည်း ပြန်လည်ဖြေကြားခြင်းမရှိသေးပါ။
Public Service Announcement
ရွှေဘိုမြို့နယ် ဆိပ်ခွန်ရွာသည် အထည်အလိပ်နှင့်ပတ်သက်၍ နာမည်ကျော်သောကျေးရွာဖြစ်ပြီး ဝန်ထမ်းများလည်းနေထိုင်ကာ CDM အားကောင်းသော ရွာကြီးတစ်ရွာဖြစ်၍ စစ်တပ်က မကြာခဏ ဖိနှိပ်မှုများပြုလုပ်လေ့ရှိပြီး တပ်စွဲထားသည်။
