ဗမာပြည်လွတ်မြောက်ရေးတပ်မတော်(BPLA) ၏ တစ်နှစ်ပြည့် တပ်တော်နေ့ အခမ်းအနားသို့ ကိုးကန့်တပ်ဖွဲ(MNDAA)၊ တအာင်းတပ်ဖွဲ့(TNLA)နှင့် ရက္ခိုင့်တပ်တော်(AA)တို့က ပူးတွဲ၍ သဝဏ်လွှာပေးပို့ခဲ့ရာ BPLA ၏ နိုင်ငံရေး၊ စစ်ရေး ရည်မှန်းချက်များ အောင်မြင်စွာ အကောင်အထည်ဖော်နိုင်ရန် တက်နိုင်သရွေ့ ပံ့ပိုးဝန်းရံသွားမည်ဟု ဖော်ပြခဲ့သည်။
စစ်တပ်အာဏာသိမ်းပြီးနောက် တိုင်းရင်းသားတော် လှန်ရေးအဖွဲ့အစည်းများနှင့် တူညီသော ဘုံရည်မှန်းချက်ရှိသည့် ဗမာလူမျိုး ကိုယ်စားပြု တော်လှန်ရေးအဖွဲ့အစည်းများ ပေါ်ပေါက်လာခဲ့ပြီး စစ်ကောင်စီကို တော်လှန်တိုက်ခိုက်နေကြရာ ၂၀၂၁ ဧပြီ ၁၇ရက်က ဖွဲ့စည်းခဲ့သည့် BPLA သည်လည်း တစ်ခုအပါအဝင် ဖြစ်သည်ဟု ဖော်ပြထားသည်။
လက်ရှိတွင် ဗမာလူထုအချို့နှင့် တိုင်းရင်းသား လက်နက်ကိုင်အဖွဲ့ အစည်းအချို့၏ ယုံကြည်မှုကို ရရှိထားပြီး အချိန်တိုအတွင်း စနစ်တကျ တိုက်ပွဲဝင်နိုင်သည့် အရည်အချင်း ၊ စစ်စည်းကမ်း ကောင်းမွန်သည့် တော်လှန်ရေး လက်နက်ကိုင်အဖွဲ့ အစည်းတစ်ခု ဖြစ်လာစေရန် တည်ဆောက်နိုင်ခဲ့သည်ကို တွေ့ရှိရ၍ BPLA ခေါင်းဆောင်များနှင့်တပ်ဖွဲ့ဝင်များ၏ ကြိုးစားအားထုတ်မှုတို့ကို တန်ဖိုးထားအသိအမှတ်ပြုကြောင်း ညီနောင်မဟာမိတ်သုံးဖွဲ့၏ သဝဏ်လွှာတွင် ပါရှိသည်။
မြန်မာပြည်သူတစ်ရပ်လုံးလိုလားသော အနာဂတ် မျှော်မှန်းချက်ကို အကောင်အထည်ဖော်နိုင်ပြီး ဗမာလူမျိုးအပါအဝင် နှစ်ပေါင်းများစွာ အဖိနှိပ်ခံနေရသည့် တိုင်းရင်းသားပြည်သူတစ်ရပ်လုံးအတွက် ရပ်တည်ကာ တည်ငြိမ်သော မူဝါဒများကို ရေးဆွဲချမှတ်နိုင်ရန် မျှော်လင့်ကြောင်းနှင့် တိုင်းပြည် အတွက် ပြည်သူအတွက် တည့်မတ်မှန်ကန်သော ရပ်တည်ချက်များဖြင့် အလုပ်လုပ်ပေးနိုင်သော အဖွဲ့အစည်း ဖြစ်ပါစေကြောင်း ဆုတောင်းပေးလိုက်သည်ဟု MNDAA၊TNLAနှင့် AA တို့က BPLA ထံ သဝဏ်လွှာပေးပို့ခဲ့သည်။
Public Service Announcement
