AA ထံတွင်သာမက KNU၊ KIA နှင့် CNF ထံတွင်လည်း စစ်သင်တန်းတက်ရောက်ခဲ့သည်ဟု CDFမင်းတပ်ပြော

ချင်းပြည်သူ့ကာကွယ်ရေးတပ် CDF Mindat ရဲဘော်များသည် ရခိုင်တပ်မတော် AA ထံတွင်သာမက KNU၊KIAနှင့် CNF ထံတွင်လည်း စစ်သင်တန်းတက်ရောက်ခဲ့သည်ဟု CDF Mindat ၏ ပြောရေးဆိုခွင့်ရှိသူက People’s Springသို့ပြောသည်။

ရခိုင်တပ်မတော် AA ထံတွင် စစ်ပညာသွားရောက်သင်ယူခဲ့ကြောင်း ချင်းပြည်သူ့ကာကွယ်ရေးတပ် CDF Mindatက ယမန်နေ့(ဧပြီ ၂၆ရက်)တွင် ပထမဆုံးအကြမ် ထုတ်ပြန်ပြီးနောက် ယနေ့(ဧပြီ ၂၇ရက်)တွင် အထက်ပါအတိုင်းထပ်မံအသိပေးခြင်းဖြစ်သည်။

CDF Mindat ၏ ပြောရေးဆိုခွင့်ရှိသူဖြစ်သလို ​လေ့ကျင့်ရေးနှင့်လက်နက်တပ်ဆင်ရေးဌာနမှုး ဆလိုင်းမာန်အောင်က “ကျနော်တို့ AA ဆီမှာလည်း စစ်ပညာသင်ခဲ့တယ်။ KNU ,KIAနဲ့ CNFဆီမှာလည်း စစ်ပညာသင်ခဲ့ပါတယ်”ဟု ပြောသည်။

အင်အားကြီးတိုင်းရင်းသားလက်နက်ကိုင်အဖွဲ့များဖြစ်သည့် ကရင်အမျိုးသားအစည်းအရုံး-KNU၊ကချင်လွတ်မြောက်ရေး တပ်မတော်- KIA နှင့်ချင်းအမျိုးသားတပ်ဦး -CNFသည် စစ်အာဏာရှင်ဆန့်ကျင်တိုက်ခိုက်ရေးတွင် အမျိုးသားညီညွတ်ရေးအစိုးရနှင့် လက်တွဲကာ တိုက်ပွဲဝင်နေသည်။ စစ်​ကောင်စီကအာဏာသိမ်းပြီး​နောက်ငြိမ်းချမ်းစွာဆန္ဒပြ​တောင်းဆို​သော ပြည်သူများကို လျစ်လျူရှုပြီး ငြိမ်းချမ်းစွာဆန္ဒပြသူများကိုအကြမ်းဖက် ပစ်ခတ်သတ်ဖြတ်ခဲ့ပြီး​နောက် နိုင်ငံတစ်ဝန်းရှိလူငယ်များကအကြမ်းဖက်စစ်​ကောင်စီကိုလက်နက်ဆွဲကိုင်​တော်လှန်ရန်စစ်ပညာသင်ယူရာတွင်အထက်ပါတိုင်းရင်းသားလက်နက်ကိုင်အဖွဲ့များကလူငယ်အများအပြားကိုစစ်သင်တန်ပေးခဲ့ပြီး အတူလက်တွဲ တိုက်ခိုက်နေသည်။

Public Service Announcement

စစ်​ကောင်စီတပ်ကို အမဲလိုက်တူမီးဖြင့်စတင်ခုခံ​​တော်လှန်ခဲ့​​သော CDF-မင်းတပ်သည် စစ်ပညာသင်ယူမှုတွင်​ရော စစ်လက်နက်တပ်ဆင်မှုတွင်ပါ ပိုမို​ခေတ်မီစွမ်းရည်ပြည့်ဝလာ​အောင် ကြိုးစား​နေခြင်းဖြစ်သည်။