▪️KRUနှင့်ဒီးမော့ဆို PDFမှ ရဲဘော်လေးဦးဒဏ်ရာရ
ကရင်နီ(ကယား)ပြည်နယ် ဒီးမော့ဆိုမြို့တိုက်ပွဲ၌ စစ်ကောင်စီတပ်မှ နှစ်ဦးသေဆုံးကြောင်း ကရင်နီတော်လှန် ရေးတပ်ပေါင်းစု(KRU)က ထုတ်ပြန်သည်။
ယနေ့ (မေ ၁၀ရက်)နေ့လယ်၂နာရီအချိန်မှစ၍ ၄ နာရီ အချိန်ထိ ဒေါငံခါးအနီးတွင် တိုက်ပွဲ ဖြစ်ပွားခဲ့ခြင်းဖြစ်သည်။
အကြမ်းဖက်စစ်တပ်နှင့် ထိတွေ့ချိန် ၂နာရီ ကြာမြင့်ခဲ့ပြီး တိုက်ပွဲတွင်း KRU တပ်ပေါင်းစု ၊ DMO PDF ၊အလယ်ပိုင်းတိုင်းအထူးစစ်ဆင်ရေး အဖွဲ့ ၊ KNDF စသော ပူးပေါင်း အဖွဲ့များပါဝင်ခဲ့သည်ဟု ဆိုသည်။
Public Service Announcement
တိုက်ပွဲအတွင်း အကြမ်းဖက်စစ်ကောင်စီတပ်မှ နှစ်ဦးသေဆုံးပြီး ဒဏ်ရာပြင်းထန်စွာရရှိသူများစွာရှိခဲ့ကာ KRU မှရဲဘော် နှစ်ဦးထိခိုက်ဒဏ်ရာ( တစ်ဦးစိုးရိမ်) ရရှိခဲ့ပြီး DMO PDF မှ ရဲဘော်နှစ်ဦး ဒဏ်ရာရရှိခဲ့သည်။
“စိုးရိမ်ရတဲ့ရဲဘော်က မိုင်းနင်းမိတာပါ။ကျန်တဲ့ရဲဘော်တွေကတော့ လက်နက်ကြီး ကျည်စ စင်တာ။လက်ရှိ တိုက်ပွဲတွေက စိတ်နေတော့ ကျည် နဲ့ ၄၀ မမ တွေလိုနေတယ်။ပြည်တွင်း ပြည်ပ က ပြည်သူတွေအနေနဲ့ ကူညီပေးဖို့ တိုက်တွန်းပါ တယ်”ဟု KRU တပ်ဖွဲ့မှ တာဝန်ရှိသူက လူထုနွေဦးသို့ ပြောသည်။
ယခုလ ၈ရက်ကလည်း ဒီမော့ဆို့မြို့နယ်အတွင်း အကြမ်းဖက်စစ်ကောင်စီတပ်နှင့် ညအချိန် ထိတွေ့မှု လေးကြိမ် ဖြစ်ပွားခဲ့ပြီး အကြမ်းဖက်စစ်ကောင်စီမှ ငါးဦးသေဆုံး၍ အများအပြားအပြင်းအထန်ဒဏ်ရာရရှိနိုင်ကြောင်း ကရင်နီတော်လှန်ရေးတပ်ပေါင်းစု (KRU) က ထုတ်ပြန်ထားသည်။
