မွန်ပြည်နယ် ရေးမြို့နယ် အခြေစိုက် စစ်ကောင်စီ၏ ခမရ(၅၉၁) တပ်ကို ယနေ့ ဝင်ရောက်တိုက်ခိုက်ခဲ့ရာ စစ်ကောင်စီတပ်မိသားစုဝင် တစ်ဦး အပါအဝင် ၄ဦးသေဆုံးခဲ့ကြောင်း ရေးဘီးလူး ပြည်သူ့ကာကွယ်ရေးတပ်က သတင်းထုတ်ပြန်သည်။
မေလ ၁၀ရက် နံနက် ၁၁နာရီ ၄၀ မိနစ်တွင် ရေးဘီလူးအဖွဲ့မှ အဆိုပါ စစ်ကောင်စီတပ်ကို ဝင်ရောက် ပစ်ခတ်ခဲ့ကြောင်း၊ စစ်ကောင်စီတပ်မှ ပြန်လည် ပစ်ခတ်ခြင်းမပြုမီ ရေးဘီးလူးအဖွဲ့သားများ ဆုတ်ခွာနိုင်ခဲ့ကြောင်း ဖော်ပြထားသည်။
“ ဒီနေ့ မေလ ၁၀ရက်နေ့မှာ ကျောင်းရွာမှာရှိတဲ့ ၅၉၁ တပ်ရင်းတစ်ခုကို ကျွန်တော်တို့ ရေးဘီးလူးအဖွဲ့က ဝင်ရောက် ပစ်ခတ်ခဲ့တာဖြစ်ပါတယ်။ ကျွန်တော်တို့ အဖွဲ့မှာ ထိခိုက်ကျဆုံးမှုမရှိဘဲ ကျွန်တော်တို့ ဆုတ်လမ်း အောင်မြင်စွာနဲ့ ကျွန်တော်တို့ရဲ့ လွတ်မြောက်နယ်မြေတစ်ခုကို ပြန်ရောက်ရှိနေတာဖြစ်ပါတယ်” ဟု ရေးဘီးလူး အဖွဲ့မှ တာဝန်ရှိသူတစ်ဦးက ရုပ်သံမှတစ်ဆင့်ပြောကြားသည်။
ရေးဘီးလူးအဖွဲ့အနေဖြင့် စစ်ကောင်စီတပ်များ၊ စစ်ကောင်စီသတင်းပေးဒလန်များ၊ စစ်ကောင်စီအပေါင်းအပါများအားလုံးကို သုတ်သင်ရှင်းလင်းသွားမည်ဖြစ်ကြောင်း ၎င်းက ပြောကြားသည်။
Public Service Announcement
