မေတ္တာမြို့နယ်ခွဲ အတွင်းတိုက်ပွဲစစ်​ကောင်စီတပ် ၁ ဦး​သေပြီး ၂ ဦးဒဏ်ရာရ၊ ​သေနတ်တစ်လက်နှင့်ကျည်များရရှိ

●စစ်တပ်ကပစ်ခတ်​သောလက်နက်ကြီးကျည် ဘုန်းကြီး​ကျောင်းအတွင်းကျ၍ ပြည်သူတစ်ဦး​သေ၊ဆရာ​တော်တစ်ပါးဒဏ်ရာရ

ထားဝယ်မြို့၊ မေတ္တာမြို့နယ်ခွဲရှိ ကင်ပွန်းချုံရွာအနီးတွင်စစ်ကောင်စီတပ်နှင့် ဒေသခံကာကွယ်ရေးတပ်များ ယမန့်နေ့( မေ ၁၀ ရက်) ညနေပိုင်းက တိုက်ပွဲဖြစ်ပွားခဲ့ရာ စစ်ကောင်စီတပ်သား တစ်ဦးသေဆုံးပြီး သေနတ်တစ်လက်နှင့်ကျည်ဆန်များသိမ်းဆည်းရမိသည်ဟု Eastern Defense Force က ထုတ်ပြန်သည်။

ကင်ပွန်းချုံရွာ နှင့် ဘဝပင် သတ္တုမိုင်းကြားရှိ စစ်ကောင်စီကင်းပုန်းစခန်းကို ယမန့်နေ့ (မေ ၁၀ ရက်) ညနေ ၃နာရီခန့်က ဒေသခံကာကွယ်ရေးတပ်များက တိုက်ခဲ့ခြင်းဖြစ်ပြီး စစ်ကောင်စီတပ်ဘက်မှ တစ်ဦး​သေပြီး ၂ ဦးဒဏ်ရာရရှိခဲ့သည်။

“ကျွန်တော်တို့ EDF အဖွဲ့မှအထိခိုက်မရှိ ဆုတ်ခွာနိုင်ခဲ့ပြီး စစ်ကောင်စီဘက်မှ လက်နက်ကြီးလက်နက်ငယ်များနှင့် မိနစ် ၂၀ အကြာရမ်းသမ်း ပစ်ခတ်မူ့ကြောင့် တောင်သုံးလုံး ဘုန်ကြီးကျောင်း အတွင်းသို့ ကျရောက်ပေါက်ကွဲခဲ့ပီး အရပ်သားတစ်ဦး ကျည်ထိမှန်သေဆုံးပီး ၊ဘုန်းကြီးတစ်ပါး ထိခိုက်ဒဏ်ရာရ။ သေဆုံးပြည်သူတစ်ဦးအတွက် EDF အဖွဲ့မှ စိတ်မကောင်းဖြစ်ရပါတယ်ခင်ဗျား”ဟု Eastern Defense Force က ​မေ၁၁ ရက်တွင်ထုတ်ပြန်သည်။

Public Service Announcement

စစ်ကောင်စီတပ်ဘက်မှလက်နက်ကြီးများဖြင့်ပစ်ခတ်ခဲ့ရာ သဲအင်းဂူဓမ္မရိပ်သာထဲသို့တစ်ကြိမ်ကျရောက်ခဲ့ခြင်းဖြစ်သည်။ထိုလက်နက်ကြီး ထိခိုက်မူကြောင့်သံဃာတော်တစ်ပါး ထိခိုက်ဒဏ်ရာရရှိပြီး ဘုန်ကြီးကျောင်းတွင်လုပ်အားပေးနေသည့် ရွာသားတစ်ဦးသေဆုံးခဲ့ရခြင်းဖြစ်သည်ဟု ဒေသခံများကပြောသည်။

ထိုတိုက်ပွဲတွင် သေနတ် တလက်အပြင် ကျည်ဘောက် လေးခုနှင့် ကျည်ဆံ ၂၁၉ တောင့် သိမ်းဆည်းရရှိပြီး ဒေသခံကာကွယ်ရေးတပ်များဘက်က အထိအခိုက်မရှိပြန်လည် ဆုတ်ခွာနိုင်ခဲ့​ကြောင်းအဆိုပါအဖွဲ့က ထုတ်ပြန်ထားသည်။