အကြမ်းဖက်စစ်ကောင်စီနှင့် ပျူစောထီးများလိုက်ပါလာသည့် ယာဥ်အား ပြည်သူ့ကာကွယ်ရေးမဟာမိတ်နှစ်ဖွဲ့က တိုက်ခိုက်ရာ ပျုစောထီးခေါင်းဆောင်အပါအဝင် လေးဦးသေဆုံးခဲ့သည်။
စစ်ကောင်စီနှင့် ပျူစောထီးများက ရိက္ခာသယ်လာသည့်ကားနှင့်အတူ လိုက်ပါလာမည်ဟု သတင်းအတိအကျရ၍ ကိုင်းတောမနှင့်ကမ္မလမ်းပိုင်းတွင် စောင့်၍တိုက်ခိုက်ခဲ့ခြင်းဟု မြိုင်မြို့နယ်ပြည်သူ့ကာကွယ်ရေးတပ်ဖွဲ့က သတင်းထုတ်ပြန်သည်။
ယနေ့(မေလ ၁၅ရက်) ညနေ ၂နာရီ ၂၀မိနစ်တွင် တိုက်ခိုက်ခဲ့ခြင်းဖြစ်ပြီး ဝက်ပုတ်ကျေးရွာ ပျူစောထီးခေါင်းဆောင် ဝင်းငွေအပါအဝင် လေးဦးသေဆုံးသွားသည်ဟု သတင်းထုတ်ပြန်ထားသည်။
မြိုင်မြို့နယ်ပြည်သူ့ကာကွယ်ရေးတပ်ဖွဲ့နှင့် ဂဠုန်ပြည့်သူ့ကာကွယ်ရေးတပ်ဖွဲ့တို့ ပူးပေါင်းတိုက်ခိုက်ခဲ့ကြခြင်း ဖြစ်သည်။
Public Service Announcement
“သေတာ လေးယောက်။ ဒဏ်ရာရတာတွေလည်း များတယ်။ တိုက်ပွဲတွေ ပြင်းလာဖို့ရှိတယ်။ ပြည်သူတွေ ဒီရက်ပိုဂရုစိုက်ပေးကြပါ”ဟု ပြည်သူ့ကာကွယ်ရေးရဲဘော်တစ်ဦးက ပြောသည်။
