'/%3E%3C/svg%3E){kind=small}
အမေရိကန်နိုင်ငံခြားရေး ဒုတိယဝန်ကြီးဟာ အမျိုးသားညီညွတ်ရေးအစိုးရနိုင်ငံခြားရေးဝန်ကြီးနဲ့ မနေ့က အွန်လိုင်းကနေ တွေ့ဆုံဆွေးနွေးခဲ့ပါတယ်။
“ဒီမိုကရေစီလမ်းကြောင်းပေါ်ပြန်ရောက်ဖို့ နဲ့ ကပ်ရောဂါတိုက်ဖျက်ဖို့ NUG နဲ့ အခြားသူတွေရဲ့ ကြိုးပမ်းအား ထုတ်မှုတွေအပေါ် ဒေါ်ဇင်မာအောင်နဲ့ ကျွန်မဆွေးနွေးခဲ့ပါတယ်။ အားလုံးပါဝင်တဲ့ ဒီမိုကရက်တစ်အနာဂတ်ကို တည်ဆောက်နေတဲ့ မြန်မာပြည်သူတွေရဲ့ ရဲရင့်မှုနဲ့ ခိုင်မာတဲ့ယုံကြည်ချက်တို့ကို ကျွန်မတို့ချီးကျုးလေးစားပါတယ်”လို့ ဝင်ဒီရှားမန်းက ပြောပါတယ်။
တွေ့ဆုံစဥ်မှာ ဒီမိုကရေစီလှုပ်ရှားမှုအတွက် အမေရိကန်ရဲ့ဆက်လက်ကူညီထောက်ပံ့မှုအပါအဝင် မြန်မာနိုင်ငံဒီမိုကရေစီလမ်းကြောင်းပေါ် ပြန်လည်ရောက်ရှိရေးလုပ် ဆောင်ဆဲ ကြိုးပမ်းအားထုတ်မှုတွေအပေါ် နှစ်ဖက်ဆွေးနွေးခဲ့တယ်လို့ အမေရိကန်နိုင်ငံခြားရေး ဒုဝန်ကြီးရုံးက သတင်းထုတ်ပြန်ပါတယ်။
