ရန်ကုန်မြို့ တောင်ဒဂုံမြို့နယ် ၊ (၅၅) ရပ်ကွက်အုပ်ချုပ်ရေးမှူးအကူ ဟိန်းမျိုးလတ်(ခ)တရုတ် အားရှင်းလင်းခဲ့ကြောင်း မြို့ပြပြောက်ကျားအဖွဲ့ Freedom From Fear Youths က ထုတ်ပြန် သည်။
ရပ်ကွက်အုပ်ချုပ်ရေးရုံးမှ နေအိမ်သို့ပြန်လာသည့် ဟိန်းမျိုးလတ်အား ယနေ့ (ဇွန် ၁၀ ရက်) နေ့လယ် ၂ နာရီ ၁၅ မိနစ်တွင် ဓနဝတီလမ်း၌ သေနတ်ဖြင့် လေးချက်တိတိပစ်ခတ်ခဲ့သည်ဟု ဆိုသည်။
“စစ်ကောင်စီရဲ့နောက်လိုက်လုပ်နေပီး ဆိုင်ကယ်ဖမ်းဆီးမှုတွေမှာလည်း နောက်လိုက်အဖြစ် ပါတယ်။ရုံးတွေပိတ်တုန်းကလည်းရုံးကိုစောင့်ပေးပြီး တော်လှန်ရေးရဲဘော်တွေအိမ်ကိုလည်းလက်ညိုးလိုက်ထိုးပြနေတယ်ဟု သိရှိရသောကြောင့်သုတ်သင်ရှင်းလင်းခဲ့တာပါ”ဟု Freedom From Fear Youths အဖွဲ့က ပြော သည်။
ယမန်နေ့ကလည်း သာကေတမြို့နယ် ၇/ အရှေ့ ရပ်ကွက်၊ အောင်သပြေလမ်းနှင့် ဓမ္မာရုံလမ်း ထောင့်တွင် ရာအိမ်မှူးတစ်ဦးသေနတ်ဖြင့်အပစ်ခံရပြီး သေဆုံးသွားကြောင်း သိရသည်။
အလားတူ လှိုင်သာယာနှင့် တောင်ဒဂုံမြို့နယ်မှ စစ်ကောင်စီနောက်လိုက်နှစ်ဦးမှာလည်း ဇွန်လ ၉ ရက်တွင်သေနတ်ဖြင့်ပစ်ခတ်ခံခဲ့ရသည်။
Public Service Announcement
အကြမ်းဖက်စစ်ကောင်စီတပ်၏ နောက်လိုက်များဖြစ်သည့် ရဲ၊စစ်သားနှင့် အုပ်ချုပ်ရေးမှူးများကို အမြစ်ပြတ်ရှင်းလင်းမည်ဖြစ်ကြောင်း မြို့ပြတော်လှန်ရေးအင်အားစုများက မကြာသေးမီက ထုတ်ပြန်ထားသည်။
