တနသ်ာရီတိုင်း၊ ပုလောမြို့နယ် ကျောင်းနိမ့်ကျေးရွာသို့စစ်ကြောင်းထိုးလာသည့် စစ်ကောင်စီတပ်နှင့် တိုက်ပွဲဖြစ်ပွားရာ စစ်ကောင်စီတပ်သား ၁၈ ဦးခန့်ထိခိုက်သေဆုံးကြောင်း ပြည်သူ့ကာကွယ်ရေးတပ်မတော်(ပုလော)PPDF က ယနေ့(ဇွန် ၁၄ ရက်) တွင်ထုတ်ပြန် သည်။
တိုက်ပွဲမှာ ယမန်နေ့ နံနက် ၆ နာရီ ၁၅မိနစ်ခန့်ကစ၍ အပြင်းအထန်ဖြစ်ပွားခဲ့ကာ နေ့လည် ၁၂ နာရီခန့်အထိ နှစ်ဖက်အပြန်အလှန် လက်နက်ကြီး၊ လက်နက်ငယ်တို့ဖြင့် ပစ်ခတ်မှုဖြစ်ပွားခဲ့ပြီး တိုက်ပွဲပြီးဆုံးခဲ့သည်ဟု ဆိုသည်။
တိုက်ပွဲအတွင်း စစ်ကောင်စီတပ်သား ၈ဦးသေဆုံး၍ စစ်ကောင်စီဘက်မှ လက်နက်ကြီးဖြင့် ပစ်ခတ်ရာလက်နက်ကြီးမှာ ချို့ယွင်းပေါက်ကွဲပြီး စစ်ကောင်စီတပ်သား ၁၀ဦးထပ်မံသေဆုံးခဲ့ကြောင်း အသိပေးသည်။
“တိုက်ပွဲက နယ်မြေခံတပ်ရင်း ၂၈၅ နဲ့က တစ်မိုင်ခွဲလောက်ပဲဝေးတယ်။သူတို့ဘက်က လက်နက်ကြီး ပစ်ကူတအားသုံးတာ။ဖြစ်ချင်တော့ သူတို့ထဲကို လက်နက်ကြီးကျည်ပြန်ကျသွားလို့ ခြောက်ဦးက ပွဲချင်းပြီးသေတယ်။လေးဦးက တော်တော်ပြင်းတယ်။အဲဒါကြောင့်လည်း အခု ဒီနေ့သူတို့ စစ်ကြောင်းမထိုးတော့ဘဲ ငြိမ်နေသေး တာ”ဟု PPDF တာဝန်ရှိသူက လူထုနွေဦးသို့ ပြောသည်။
Public Service Announcement
ပုလော PDF ဘက်မှ ရဲဘော်တစ်ဦး ကျဆုံးခဲ့ပြီး နှစ်ဦးထိခိုက်ဒဏ်ရာရခဲ့ပြီး အထိနာနေသော စစ်ကောင်စီတပ်သားများသည် ကျောင်းနိမ့်ရွာမှ ပြည်သူ့နေအိမ် (၇) လုံးနှင့် ဆိုင်ကယ်(၄)စီးအား မီးရှို့ဖျက်ဆီးခဲ့ကြောင်း ထုတ်ပြန်ချက်၌ ဖော်ပြသည်။
ဇွန်လ ၁၀ ရက်ကစ၍ ပုလောမြို့တွင် စစ်ကြောင်းသုံးကြောင်းဖြင့် စစ်ကောင်စီတပ်က စစ်ထိုးလာခဲ့ပြီးနောက်တိုက်ပွဲများ ထိတွေ့မှုရှိနေခြင်းဖြစ်သည်။
