လွိုင်ကော်မှ မိတ္ထီလာမြို့သို့ သစ်များတရားမဝင်သယ်ဆောင်သည့် ယာဥ်တစ်စီးကို စစ်ဆေးတွေ့ရှိခဲ့ကြောင်း ကရင်နီအမျိုးသားများကာကွယ်ရေးတပ် (KNDF)ဖယ်ခုံဇုန်က ယနေ့(ဇွန် ၂၆ ရက်)တွင် ထုတ်ပြန် သည်။
ဖြစ်စဥ်မှာ ယမန်နေ့(ဇွန် ၂၅ ရက်)က စစ်ဆေးတွေ့ရှိခဲ့ခြင်းဖြစ်ပြီး သက်ဆိုင်သူယာဥ်မောင်းကိုလည်း ဖမ်းဆီးထိန်းသိမ်းခဲ့သည်ဟု ဆိုသည်။
အဆိုပါ ယာဥ်မောင်းနှင့်ယာဥ်မှာ KNDF တပ်ရင်း (၃)၏ လုံခြုံရေးဆောင်ရွက်ရာ လမ်းတစ်လျှောက်တွင် မကြာခဏဖြတ်သန်းသွားလာခဲ့သောကြောင့် ရဲဘော်များမှ ရပ်တန့်စစ်ဆေးရာ သစ်များတရားမဝင် ခိုးယူသယ်ဆောင်နေကြောင်းတွေ့ရှိခဲ့ရခြင်းဟု အသိပေးသည်။
ယာဥ်မောင်းအား တစ်ညတာ ထိန်းသိမ်းခဲ့ပြီး အငှားယာဥ်မောင်းလုပ်ကိုင်ခြင်းမှအပ ပြစ်မှုတစ်စုံတစ်ရာ မတွေ့ရှိသောကြောင့် KNDF၏ မူဝါဒနှင့်အညီ ခံဝန်ကတိဖြင့် ယနေ့တွင် ပြန်လွှတ်ပေးခဲ့ကြောင်း ထုတ်ပြန်ချက်၌ ဖော်ပြသည်။
Public Service Announcement
အလားတူဖြစ်ရပ်မျိုးကို ထပ်မံတွေ့ရှိပါက ထိရောက်စွာအရေးယူဆောင်ရွက်သွားမည်ဟု KNDFတပ်ရင်း(၃) က သတိပေးသည်။
