မင်းအောင်လှိုင်​၏ ပြည်လမ်း၆မိုင်ခွဲ အိမ်ကို ​ဒေါ်လာ ၇ သန်းဖြင့်ရှယ်ယာများ​ရောင်းချမည်

အာဏာသိမ်းခေါင်းဆောင် မင်းအောင်လှိုင် မတရားရယူထားသည့်ရန်ကုန်​မြို့ ပြည်လမ်း ၊၆မိုင်ခွဲရှိနေအိမ်ကို ​ရှယ်ယာစနစ်ဖြင့် ထပ်မံရောင်းချသွားမည်ဟု NUG၏ ရှယ်ယာရောင်းချရေးအဖွဲ့ (EOD)က ထုတ်ပြန်လိုက်သည်။

စစ်ခေါင်းဆောင်မတရားရယူထားသည့် အင်းလျားလမ်း အိမ်အမှတ် ၁၄ကိုအမျိုးသားညီညွတ်​ရေးအစိုးရ- NUGက ဒေါ်လာ ၁၀ သန်းဖြင့်ရောင်းချပြီးနောက်မင်း​အောင်လှိုင်၏ ဒုတိယမြောက် အိမ်ကို​ဒေါ်လာ ၇ သန်းဖြင့်ထပ်မံရောင်းချရန် စီစဉ်​နေခြင်းဖြစ်သည်ဟုကနဦးသတင်းရရှိသည်။

“အာဏာရှင်နိဂုံး အဆုံးသတ်ဖို့အတွက် EOD ရဲ့ ဒုတိယ ပရောဂျက်ဟာInyaView@6.5 Mile ဖြစ်ပါတယ်။အကြမ်းဖက်စစ်ခေါင်းဆောင် မင်းအောင်လှိုင် မတရားခိုးယူထားတဲ့ ပိုင်ဆိုင်မှု နောက်တစ်ခု ဖြစ်ပြီး၊ ပရောဂျက်အသေးစိတ်ကို မကြာမီ ထုတ်ပြန်ကြေညာ သွားပါမယ်။”ဟု NUG၏ ရှယ်ယာရောင်းချရေးအဖွဲ့က ထုတ်ပြန်ထားသည်။

ရှယ်ယာတစ်စုကို ၁၀၀ ဒေါ်လာ သတ်မှတ်ထားပြီး ရှယ်ယာအရေအတွက်ကိုတော့ NUGက ထုတ်ပြန်ခြင်းမရှိသေး​သော်လည်း ရှယ်ယာအစုအ​ရေအတွက် ၇၀၀၀၀ ဖြင့်(​ဒေါ်လာ ၇ သန်းဖြင့်)​ရောင်းချမည်ဖြစ်​ကြောင့် ရှယ်ယာအ​ရောင်းကိုယ်စားလှယ်အချို့က​ပြောသည်။

Public Service Announcement

အဆိုပါနေအိမ်သည် အကြမ်းဖက်စစ်ခေါင်းဆောင်မင်းအောင်လှိုင်မိသားစု ရန်ကုန်တွင် နေထိုင်သည့်နေအိမ်ဖြစ်သည်ဟုလည်း သိရသည်။

ရန်ကုန်မြို့တွင် စစ်ခေါင်းဆောင် မင်းအောင်လှိုင်၏ အမည်ဖြင့် သိမ်းယူပိုင်ဆိုင်ထားသည့် အိမ် ၄ လုံး ရှိနေပြီး ၎င်း၏ သားသမီးများ ပိုင်ဆိုင်သည့် စီးပွားရေး လုပ်ငန်းစုများစွာလည်း ရှိနေသည်ဟု NUG စီမံကိန်း၊ ဘဏ္ဍာရေးနှင့် ရင်းနှီးမြှပ်နှံမှုဝန်ကြီး ဦးတင်ထွန်းနိုင်က​ပြောထားသည်။

ထို့အပြင် ရန်ကုန်မြို့တစ်မြို့တည်းမှာပင်အာဏာသိမ်းခေါင်းဆောင်နှင့် စစ်အုပ်စု သိမ်းယူ ပိုင်ဆိုင်ထားသည့် မြေကွက်ပေါင်း ၆၀ အထိ ရှိသည်ဟု ဦးတင်ထွန်းနိုင်က ပြောသည်။

အာဏာသိမ်း​ခေါင်းဆောင်၏ အင်းယားလမ်း နေအိမ်ကို မေ ၅ ရက်က စတင်ရောင်းချခဲ့ပြီး ဇူလိုင် ၃၀ ရက်တွင် ရှယ်ယာအားလုံးရောင်းချခဲ့ပြီးဖြစ်သည်။