Connect with us

Hi, what are you looking for?

သတင်း

ပုလဲနယ်အတွင်း တိုက်ပွဲများတွင် စစ်ကောင်စီတပ် အနည်းဆုံး ၂၂ဦး သေ၊ ရဲဘော်ငါးဦးကျဆုံး

MRDA က တိုက်ခိုက်ခဲ့သော စစ်ကောင်စီ တပ်သည် သြဂုတ် ၁၁ ရက်ကစ၍ ရင် ပေါင်တိုင်၊ ပုထိုးသာနှင့် ရွာသစ်ကျေးရွာများတွင် ပြည်သူ့အိုးအိမ်များကို စိတ် ကြိုက် လုယူခိုးယူပြီး ဖျက်ဆီးလာခဲ့ခြင်းဟု ဆိုသည်။

(တိုက်ပွဲတစ်ခုမှ ပြန်လာသော ဗိုလ်နဂါးဦးဆောင်သောအဖွဲ့ကို ဒေသခံများက ကြိုဆိုနေစဉ်၊ပုံအဟောင်းကို အသုံးပြုထားပါသည်)
(တိုက်ပွဲတစ်ခုမှ ပြန်လာသော ဗိုလ်နဂါးဦးဆောင်သောအဖွဲ့ကို ဒေသခံများက ကြိုဆိုနေစဉ်၊ပုံအဟောင်းကို အသုံးပြုထားပါသည်)

▪️ အပြည့်အဝမကာကွယ်နိုင်ခဲ့သည့်အတွက်MRDA ဦး ဆောင်သူ ဗိုလ်နဂါးက ပြည်သူများအား တောင်းပန်

စစ်ကိုင်းတိုင်း ပုလဲမြို့နယ်အတွင်း တိုက်ပွဲများတွင် စစ်ကောင်စီတပ်သား အနည်းဆုံး ၂၂ဦး သေဆုံးပြီး ရဲဘော်ငါးဦးကျဆုံးခဲ့ကြောင်း မြန်မာ့တော်ဝင် နဂါးတပ်တော် (M.R.D.A)က ယနေ့ (သြဂုတ် ၁၅ ရက်) ထုတ်ပြန်သည်။

သြဂုတ် ၁၃ ရက် နေ့လည် ၂ နာရီ ၁၂ မိနစ်ခန့်တွင် ပုလဲမြို့နယ်၊ ရွာသစ်ကျေးရွာအနောက်ဘက်အနီးရှိ စစ်ကောင်စီတပ်ကို M.R.D.Aမှ ကင်းပုန်းဝပ်ဖြတ်တောက်ခဲ့ရာ စစ်ကောင်စီဘက်မှ သုံးဦးကို အင်အားလျှော့ချနိုင်ခဲ့ပြီး ရဲဘော်တစ်ဦး လက်ထိမှန် ဒဏ်ရာရခဲ့သည်ဟု ဆိုသည်။

ထို့နောက် ယမန်နေ့ (သြဂုတ် ၁၄ ရက်) နေ့လည် ၁နာရီ မိနစ် ၂၀ ခန့်တွင် ပုထိုးသာနှင့် ရွာသစ်ကျေး ရွာမှ ပြည်သူ့အိုးအိမ်များကို ဖျက်ဆီး၍ထွက်လာသော စစ်ကောင်စီတပ်ကို ကမ္ဘားရပ်ကျေးရွာအရှေ့ဘက်အနီးတွင် စောင့်ကြိုဖြတ်တောက်ခဲ့ရာ စစ်ကောင်စီဘက်မှအနည်းဆုံး ၅ ဦးခန့် သေဆုံးကြောင်း ဖော်ပြသည်။

Public Service Announcement
Public Service Announcement

အလားတူ ထိုနေ့ ညနေပိုင်း ၃နာရီခွဲ ခန့်မှစ၍ ညနေ ၆ နာရီခန့်အထိ ကမ္ဘားရပ်ကျေးရွာနှင့် ထိန္နဲကျေးရွာအနီးတဝိုက်တွင် ထိတွေ့မှုအပြင်း အထန်ဖြစ်ခဲ့ရာ စစ်ကောင်စီတပ်သားအနည်းဆုံး ၁၄ ဦးခန့် သေဆုံးကြောင်း အသိပေးသည်။

Public Service Announcement

Public Service Announcement

ထိုတိုက်ပွဲတွင် MRDA ၏ စစ်ကြောင်းနှစ်ခု အနက် ရဲဘော်ငါးဦးမှာ ကျဆုံးခဲ့ရသည်။

MRDA က တိုက်ခိုက်ခဲ့သော စစ်ကောင်စီ တပ်သည် သြဂုတ် ၁၁ ရက်ကစ၍ ရင် ပေါင်တိုင်၊ ပုထိုးသာနှင့် ရွာသစ်ကျေးရွာများတွင် ပြည်သူ့အိုးအိမ်များကို စိတ် ကြိုက် လုယူခိုးယူပြီး ဖျက်ဆီးလာခဲ့ခြင်းဟု ဆိုသည်။

“အခုထိ ပုလဲ ဒေသတွင်း စစ်ရေးက လုံးဝ မငြိမ် သေးဘူး။နောက်ပြီး တိုက်ခံထားရတဲ့ စခ စစ် ကြောင်းက မုံသွင်ရွာမှာဘဲရှိနေပါသေးတယ်”ဟုပုလဲမြို့နယ်စစ်ရေးသတင်းရင်းမြစ်တစ်ဦးက လူထုနွေဦးသို့ ပြောသည်။

ယင်းထိတွေ့မှုများအတွင်း မြန်မာ့တော် ဝင်နဂါးတပ်တော်နှင့်အတူ ပါဝင်အားဖြည့်ကူညီခဲ့သောယင်းမာပင်ခရိုင်တပ်ရင်း(၁)၊ Royal Eagle တော်လှန်ရေးတပ်၊ ပုလဲJokerအဖွဲ့၊ အခြားသောဒေသခံတော်လှန်ရေးတပ်ပေါင်းစုများကို မြန်မာ့တော်ဝင်နဂါးတပ်တော်မှ အထူးကျေးဇူးတင်ရှိကြောင်း ဖော်ပြသည်။

ပြည်သူ့အိုးအိမ်စည်းစိမ်များကို ကာကွယ်နိုင်ရန် မြန်မာ့တော်ဝင်နဂါးတပ်တော်မှ ဒေသတွင်းရှိ ပြည်သူ့ကာကွယ်ရေးတပ်များနှင့် စည်းလုံးစွာ အကောင်းဆုံးကြိုးစားသွားမည်ဖြစ်ကြောင်း ပြည်သူများအား ကတိပြုသည်။

ယခုတစ်ကြိမ် အပြည့်အဝမကာကွယ်နိုင်ခဲ့သည့်အတွက်လည်း MRDA ဦး ဆောင်သူ ဗိုလ်နဂါးက ပြည်သူများအား အနူးအညွတ်တောင်းပန်သည်။

ဆက်စပ်သတင်းများ

သတင်း

တရုတ်စီမံကိန်းတွေရှိတဲ့ရခိုင်ပြည်နယ် ကျောက်ဖြူမြို့နယ်အတွင်းက တောင်မော်ဦးရေတပ်စခန်းဝန်းကျင်နဲ့ မင်းတက်တောင်လမ်းဆုံအနီး သိုင်းချောင်းဝန်းကျင်တို့မှာ စစ်တပ်စခန်း​တွေကို အာရက္ခတပ်တော်(AA)ကတိုက်ခိုက်​နေပြီး တိုက်ပွဲအပြင်းအထန်ဖြစ်ပွားနေကြတယ်လို့မြေပြင်သတင်းရင်းမြစ်တွေကပြောပါတယ်။

သတင်း

မြန်မာဖက်ခြမ်းနယ်စပ်မှာ ဖြစ်နေတဲ့ တိုက်ပွဲတွေဟာမြန်မာ့ပြည်တွင်းရေးသာဖြစ်ပြီး ထိုင်းရဲ့ လုံခြုံရေးဆိုင်ရာ အခြေအနေတွေကိုတော့ကောင်းကောင်းထိန်းချုပ်ထားနိုင်ကြောင်း ထိုင်းတော်ဝင်ကြည်းတပ်က ထုတ်ပြန်ခဲ့ပါတယ်။

သတင်း

ကသာမြို့မှာပိတ်မိတဲ့ကားတချို့ မန္တလေးဘက် ပြန်ဆုတ်ခိုင်း၊ ပိတ်မိနေသူတွေဆက်ရှိပြီး သေဆုံးသူ ထပ်တိုး

သတင်း

ကချင်ပြည်နယ်၊ ဗန်းမော်မြို့မှာ တိုက်ပွဲတွေ ဆက်လက်ဖြစ်ပွားနေကြောင်း ကချင်လွတ်လပ်ရေးတပ်မတော်(KIA) သတင်းပြန်ကြားရေးဌာနရဲ့ နိုဝင်ဘာ ၇ရက် သတင်းဖော်ပြချက်မှာ အသိပေးထားပါတယ်။