၀လက်နက်ကိုင်အဖွဲ့(UWSA) ဌာနချုပ် ပန်ဆန်း(ပန်ခမ်း)မြို့ရှိ လူဦးရေ ၅သိန်းကျော်အား COVID-19 ရောဂါပိုးရှိမရှိ စစ်ဆေးခဲ့ရာ ပိုးတွေ့သူ မရှိကြောင်း WSTVက ယမန်နေ့က ထုတ်ပြန်သည်။
မြန်မာ- တရုတ်နယ်စပ်ရှိ ပန်ဆန်းမြို့တစ်မြို့လုံးကို ဒုတိယအကြိမ် အာခေါင်တို့ဖက်စစ်ဆေးခြင်းကို ဩဂုတ် ၂၁ရက်တွင် ပြီးဆုံးခဲ့ပြီး စုစုပေါင်းစစ်ဆေးသူ ၅၂,၉၂၂ဦးရှိကြောင်း၊ စစ်ဆေးမှုရလဒ်အားလုံးမှာ Negative ထွက်ရှိကြောင်း ဖော်ပြထားသည်။
ထို့ကြောင့် ပန်ဆန်းမြို့ COVID-19 ရောဂါကာကွယ်ထိန်းချုပ်ရေးဌာန၏ ခွင့်ပြုချက်အရ ပန်ခမ်းမြို့အတွင်း ယနေ့ညမှစ၍ ပုံမုန်သွားလာနိုင်ပြီဖြစ်ကြောင်း ဖော်ပြခဲ့သည်။
UWSA အနေဖြင့် ၎င်းဒေသတွင်း၌ COVID-19 ရောဂါပိုးစတင်တွေ့ရှိစဉ်ကတည်းက ကာကွယ်ထိန်းချုပ်ရေးလုပ်ငန်းများကို တင်းကြပ်စွာလုပ်ကိုင်ခဲ့သည်။ ထိုသို့လုပ်ဆောင်ရာတွင် တရုတ်နိုင်ငံဘက်ခြမ်း၏ အကူအညီနှင့် ပူးပေါင်းဆောင်ရွက်မှုများလည်း ရရှိခဲ့သည်။
Public Service Announcement
