မကွေးတိုင်း၊ မြိုင်မြို့နယ်၊ ပြည်သူ့ကာကွယ်ရေးတပ်မတော်သို့ ပေါက်မြို့နယ်မှ အသက်(၇)နှစ်အရွယ် သမီးငယ်တစ်ဦးက စုထားသောမုန့်ဖိုးငွေများအား လာရောက်လှူဒါန်းသွားကြောင်း မြိုင်(ပကဖ)အဖွဲ့က ယနေ့ (စက်တင်ဘာ၂ ရက်) တွင် သတင်းထုတ်ပြန်သည်။
“ဦးလေး သမီးကျည်ဆံဖိုး လှူချင်လို့ပါရှင့်။ သမီးရယ် ကျည်ဆံဖိုးမလှူပါနဲ့လား။ မုန့်ဖိုးပဲ သုံးပါလား။ သမီးက မုန့်မစားချင်ဘူးရှင့် ။ ရတဲ့မုန့်ဖိုးတွေကိုစုထားပြီးကျည်ဆံဖိုးလှူတာပါရှင့်။ ဒီငွေနဲ့ ကျည်ဝယ်ပြီး ပစ်လို့ ွေးတွေသေမှ သမီးတို့တွေ ကျောင်းပြန်တက်နိုင်မှာ သမီးလှူတဲ့ငွေလေးကို လက်ခံပေးပါရှင့်။”ဟု လာလှူသည့်သမီးလေးနှင့် ပြောကြားခဲ့သည်များအား မြိုင်(ပကဖ) အဖွဲ့က ဝေမျှသည်။
“အရမ်းသိတတ်တဲ့ပြည်သူတွေအတော်များများပါဝင်နေမှတော့ ဒီပွဲမနိုင်စရာမရှိတော့ပါဘူးဗျာ” ဟု မြိုင် (ပကဖ)က ပြောသည်။
မြိုင်မြို့နယ်တွင် ယခင်ကလည်း ဒေသခံများက ဒေသတွင်းပြည်သူ့ကာကွယ်ရေးအဖွဲဲ့များအား လက်ဝတ်ရတနာများ လာရောက်လှူဒါန်းခဲ့ဖူးသည်။
Public Service Announcement
မကွေးတိုင်း မြိုင်မြို့နယ်တွင် စစ်ကောင်စီတပ်၊ ပျူနှင့် ဒေသတွင်း ပြည်သူ့ကာကွယ်ရေးအဖွဲ့များ ထိတွေ့တိုက်ပွဲများဖြစ်ပွားနေပြီး စစ်ကောင်စီတပ် ၏ အကြမ်းဖက်ဖျက်ဆီးသတ်ဖြတ်မှုများကြောင့် ပြည်သူထောင်ချီ ထွက်ပြေးတိမ်းရှောင်နေရကြောင်း ဒေသခံများက ပြောသည်။
