ပြည်ထောင်စုလွှတ်တော်ကိုယ်စားပြုကော်မတီ(CRPH) ဟာ ကာကွယ်ရေးဒုတိယဝန်ကြီး ဒေါ်ခင်မမမျိုးကို စီးပွားရေးနှင့်ကူးသန်းရောင်းဝယ်ရေးပြည်ထောင်စုဝန်ကြီးအဖြစ် ပြောင်းရွှေ့တာဝန် ပေးတယ်လို့ ဒီနေ့ထုတ်ပြန်ပါတယ်။
အမျိုးသားညီညွတ်ရေးအစိုးရ(NUG)ရဲ့ ၁၇ ခုမြောက်ဝန်ကြီးဌာန စီးပွားရေးနှင့်ကူးသန်းရောင်းဝယ်ရေးဝန်ကြီးဌာနရဲ့ ပြည်ထောင်စုဝန်ကြီးအဖြစ် ဒေါ်ခင်မမမျိုးကို တာဝန်ပေးအပ်ခဲ့တာလည်း ဖြစ်ပါတယ်။
ဧပြီ ၁၆ ရက်မှာ အမျိုးသားညီညွတ်ရေးအစိုးရ(NUG) ဟာ ဝန်ကြီးဌာန ၁၁ ကိုစတင်ဖွဲ့စည်းကြောင်းကြေညာခဲ့ပြီး အဲဒီနောက်ပိုင်းမှာ ဝန်ကြီးဌာနတွေ တိုးချဲ့ဖွဲ့စည်းခဲ့ပြီး အခုဆိုရင်ဝန်ကြီးဌာန ၁၇ ခုရှိနေပြီဖြစ်ပါတယ်။
