ကရင်အမျိုးသားအစည်းအရုံး(KNU) တပ်မဟာ(၆)နယ်မြေ ဒူးပလာယာခရိုင်အတွင်း စစ်ကောင်စီတပ်က လေကြောင်းမှ တိုက်ခိုက်၍ သံဃာတစ်ပါးဒဏ်ရာရခဲ့သည်ဟု KNUက သတင်းထုတ်ပြန်သည်။
အာဏာသိမ်းအကြမ်းဖက်စစ်ကောင်စီလေတပ်သည် မှော်ဘီလေတပ်စခန်းမှ တိုက်လေယာဉ် သုံးစင်းဖြင့် ကေအဲန်ယူကရင်အမျိုးသားအစည်းအရုံး ကော်သူးလေအုပ်ချုပ်နယ်မြေ၊ ဒူးပလာယာခရိုင်၊ ဝင်းရေးမြို့နယ်အတွင်းရှိ မဲ့ကသာဘုန်းကြီးကျောင်းဝင်းအတွင်းသို့ ယနေ့ (အောက်တိုဘာ ၆ရက်) နံနက်အစောပိုင်းတွင် လေကြောင်းမှ ဗုံးကြဲတိုက်ခိုက်ခဲ့ခြင်း ဖြစ်သည်ဟုဆိုသည်။
ထိုသို့တိုက်ခိုက်၍ မဲ့ကသာဘုန်းကြီးကျောင်းမှာ မီးလောင်ပျက်စီးသွားခဲ့ရသည်ဟု ဖော်ပြသည်။
အနီးပတ်ဝန်းကျင်တွင် နေထိုင်သောပြည်သူလူထုများမှာလည်း ထိတ်လန့်ကြောက်ရွံ့ပြီး အသက်ဘေးလွတ်ရာသို့ ထွက်ပြေးတိမ်းရှောင်နေရကြောင်း ထုတ်ပြန်ထားသည်။
Public Service Announcement
