စစ်တပ်နဲ့ဖြစ်ပွားတဲ့တိုက်ပွဲအတွင်းသေနတ်သုံးလက် KNU ရရှိ

စက်တင်ဘာ -၁၇ ၊၂၀၂၆ ၊နိုင်ပကောင်း/People’s Spring

ကရင်ပြည်နယ်၊ ဖာပွန်ခရိုင်( မူတြော်)၊ နို့ခဲထရွာမှာ မနေ့ ( စက်တင်ဘာလ ၁၆ ရက်) က KNU တပ်မဟာ (၅) နဲ့ အာဏာသိမ်းစစ်တပ်တို့ကြား တိုက်ပွဲဖြစ်ရာမှာ လက်နက်အချို့သိမ်းဆည်းရမိတယ်လို့ တပ်မဟာ (၅) ပြောရေးဆိုခွင့်ရှိသူ ပဒိုစောထိုရော်ဘင်က ပြောပါတယ်။

KNU ရဲ့ အုပ်ချုပ်ရေးနဲ့ စစ်ရေးနယ်မြေ သတ်မှတ်ချက်အရ ဖာပွန်ခရိုင်ဟာ တပ်မဟာ (၅) စစ်ရေးနယ်မြေ ဖြစ်ပါတယ်။

မနေ့က တိုက်ပွဲမှာတော့ စစ်တပ်ဆီကနေ သေနတ်သုံးလက် သိမ်းဆည်းရမိတယ်လို့ ပဒိုစောထိုရော်ဘင်က ဆိုပါတယ်။

Public Service Announcement

ဖာပွန်ခရိုင်၊ ကမမောင်းမြို့ကနေ ဖာပွန်မြို့ဆီ စစ်ကြောင်းထိုးလာတဲ့ စစ်တပ်နဲ့ KNU တပ်မဟာ(၅)တို့အကြား တိုက်ပွဲတွေ ဆက်တိုက်ဖြစ်နေတာပါ။

ပြီးခဲ့တဲ့ ရက်ပိုင်း စက်တင်ဘာ ၁၄ ရက် က ဖာပွန်-ကမမောင်း ကားလမ်း ပေါ်ရှိ ကတိုင်တိနဲ့ ကမမောင်းမြို့အကြား ဝါသိုးခိုနယ်မြေမှာရှိနေတဲ့ စစ်တပ်စွဲထားရာနေရာကို KNU တပ်မဟာ(၅)၊ တပ်ရင်း(၁၀၂)က ဝင်ရောက်တိုက်ခိုက်ရာသေနတ် သုံးလက်ရရှိခဲ့တယ်လို့ KNU မူတြော်ခရိုင်က ထုတ်ပြန်ထားပါတယ်။

ဒါ့အပြင် ဖာပွန်-ကမမောင်း ကားလမ်းပေါ်က ဖားလုံးလေးနယ်မြေမှာ ရောက်ရှိနေတဲ့ ခမရ(၃၅၇) တပ်က စစ်သားတစ်ဦး လက်နက်ခဲယမ်းတွေနဲ့အတူ KNU တပ်ရင်း(၁၀၂)ထံ ခိုလှုံလာတယ်လို့ ထုတ်ပြန်ချက်မှာ ဖော်ပြထားပါတယ်။