▪︎ JCDC ၊CNF နှင့် မာရာလူကြီးများညှိနှိုင်းဖြေရှင်းပေးသင့်ကြောင်းဒေသခံပြော
ချင်းပြည်နယ်၊ မရာနယ်မြေအတွင်းရှိ ငဖိုင်ပီးရွာတွင် CDF-Mara နှင့် MDF(မရာမြေကာကွယ်ရေးတပ်ဖွဲ့)တို့ကြား အောက်တိုဘာ ၉ ရက်က နှစ်ဖက် အပြန်အလှန်ပစ်ခတ်မှုဖြစ်ပွားခဲ့သည်ဟု ဒေသခံများကပြောသည်။
ချင်းပြည်နယ် မရာနယ်မြေအတွင်း MDFကိုအောက်တိုဘာ ၉ ရက် နောက်ဆုံးထားပြီး အပြီးအပိုင်တပ်ဆုတ်ရန် CDF-Maraက သတိပေးစာထုတ်ပြီးနောက်ပစ်ခတ်မှု ဖြစ်ပွားခဲ့ခြင်းဖြစ်သည်။
အောက်တိုဘာ ၃ ရက်တွင် CDF-Mara တပ်သားများကို MDFက တိုက်ခိုက်ပြီးနောက် နှစ်ဖက်ကြားတင်းမာပြီး ပစ်ခတ်မှု ထပ်မံဖြစ်ပွားခဲ့ခြင်းဖြစ်သည်ဟု နှစ်ဖက်လက်နက်ကိုင်တပ်ဖွဲ့များထံမှ သိရသည်။
အောက်တိုဘာ ၃ ရက်က MDFက CDF-Maraကိုပစ်ခတ် တိုက်ခိုက်မှုနှင့်ပတ်သတ်၍ CDFတပ်ဖွဲ့ ၅ ဖွဲ့က MDFကို သတိပေးခဲ့သည်။ CDFအဖွဲ့ ၅ဖွဲ့တွင် Zotung ၊ Zophei၊ Mara၊ Lautu ၊ Senthangတို့ပါဝင်ပြီး ZZMLS အဖြစ်ဖွဲ့စည်းထားသည်။
Public Service Announcement
ထိုအပြင် CDF-Maraက MDFကို မရာနယ်မြေအတွင်းမှ တပ်ဆုတ်ခွာပရန် သတိပေးစာထုတ်ပြန်ခဲ့သည်။
ချင်းပြည်နယ် အတွင်းရှိ ထန်တလန်၊ မတူပီနှင့် ပလက်ဝမြို့နယ်များ အတွင်းရှိ မရာနယ်မြေများကို စုပေါင်းပြီး မရာအုပ်ချုပ်ရေးနယ်မြေများအဖြစ် ၂၀၂၂ ဖေဖော်ဝါရီ ၁ ရက်က သတ်မှတ်ခဲ့သည်။
ချင်းပြည်နယ် မရာဒေသတွင်း လက်နက်နှစ်ဖွဲ့ကြားတင်းမာပြီးနောက် ပစ်ခတ်မှုများဖြစ်လာခြင်းကြောင့် ဒေသခံများကစိုးရိမ်နေခြင်းဖြစ်သည်။
“စစ်ကောင်စီကို တိုက်ထုတ်နေတဲ့အချိန်မှာ အချင်းချင်းပြသနာတက်တာ မလိုချင်ပါဘူး၊ JCDC ၊CNF တို့နှင့်မရာလူကြီးတွေအကောင်းဆုံညှိနှိုင်းရင် လူထုအတွက် ကောင်းပါတယ်”ဟု မရာလူမျိုးတစ်ဦးကပြောသည်။
Chinland Defense Force-Mara နှင့် Mara Army တပ်ဖွဲ့နှစ်ခုအား မရာလဲန်းကာကွယ်ရေး တပ်ဖွဲ့ Maraland Defense Force-MDF အဖြစ် ၂၀၂၂ဖေဖော်ဝါရီ ၁ ရက်တွင် ဖွဲ့စည်းခဲ့ခြင်းဖြစ်သည်။
