Connect with us

Hi, what are you looking for?

LuduNwayOo

သတင်း

ချင်းပြည်နယ်ဖလမ်းမြို့နယ်မှ စစ်​ကောင်စီလက်​​အောက်မှဆေးရုံအုပ် မိမိကိုယ်ကို အဆုံးစီရင်

ဒေါက်တာ Tlaung Cung Thang သည် ယနေ့နံနက် ၈ နာရီ ၄၀ ခန့်က ၎င်း၏နေအိမ်၌ ကြိုးဆွဲချကာ မိမိကိုယ်ကို အဆုံးစီရင်ခဲ့ခြင်းဖြစ်ပြီး ဘာကြောင့် ယခုလိုပြုလုပ်ရသည်ကို မသိရသေးပေ။

(ဒေါက်တာ Tlaung Cung Thang ။ ။ဓါတ်ပုံ-TCT FB)
(ဒေါက်တာ Tlaung Cung Thang ။ ။ဓါတ်ပုံ-TCT FB)

စစ်​ကောင်စီလက်​အောက်တွင်တာဝန်ထမ်း​ဆောင်​နေ​​​သောချင်းပြည်နယ် ဖလမ်းမြို့နယ်ဆေးရုံအုပ် ဒေါက်တာ Tlaung Cung Thang သည် ယနေ့(စက်တင်ဘာ ၂၈)နံနက်ပိုင်းက ၎င်း၏နေအိမ်၌ ကြိုးဆွဲချကာ မိမိကိုယ်ကို အဆုံးစီရင်သွားသည်။

ဒေါက်တာ Tlaung Cung Thang သည် စစ်ကောင်စီလက် ကျန်းမာရေးဝန်ကြီးဌာနအောက်ရှိ ဖလမ်းဆေးရုံ၌ ဆေးရုံအုပ်အဖြစ်တာဝန်ထမ်းဆောင်နေသူဖြစ်ပြီး သေဆုံးချိန်တွင် အသက် (၄၁)နှစ်ရှိပြီဖြစ်ကြောင်း ၎င်းနှင့် နီးစပ်သူများက ပြောသည်။

(ဒေါက်တာ Tlaung Cung Thang ။ ။ဓါတ်ပုံ-TCT FB)
(ဒေါက်တာ Tlaung Cung Thang ။ ။ဓါတ်ပုံ-TCT FB)

ပြည်သူ့တော်လှန်ရေးအားကောင်းလာ၍ စစ်ကောင်စီလက်အောက်တွင် ဆက်လက်တာဝန်မထမ်းဆောင်ရဲတော့သောကြောင့် ကိုယ်လွတ်ရုန်းသွားခြင်းဖြစ်နိုင်ကြောင်းလည်း ၎င်း၏ မိတ်ဆွေအချို့က သုံးသပ်သည်။

” ကလေးနှစ်ယောက် ကျန်ခဲ့တယ်။ သူက စကစနဲ့ ပြည်သူ့​တော်လှန်ရေးကြားမှာ ကြားညှပ်တော့မှာကိုသိလို့ ဆူဆိုက်လုပ်သွားတာလို့ ကျွန်တော်တို့ ကြားတယ်” ဟု ၎င်း၏ မိတ်ဆွေတစ်ဦးကပြောသည်။

Dr Tluang Cung Thangသည် ဖလမ်းတွင် တာဝန်မကျမီ မတူပီဆေးရုံအုပ်ကြီးအဖြစ် တာဝန်ထမ်းဆောင်ခဲ့​သေးသည်။

“ဒီမနက်အစောကြီးကြားရတဲ့သတင်းက တကယ်မယုံနိုင်ဘူး ဆရာကြီးရယ်။ ဆရာကြီးလို တော်ပြီး ပြည့်စုံတဲ့သူက ဘာလို့ လောကကြီးကိုလွယ်လွယ်နဲ့ အရှူံးပေးလိုက်ရတာလဲ”ဟု ဒေါက်တာ Tlaung Cung Thang နှင့် နီးစပ်သူတစ်ဦးက လည်းဝမ်းနည်းစကားဆိုထားသည်။

ဒေါက်တာ Tlaung Cung Thang သည် ယနေ့နံနက် ၈ နာရီ ၄၀ ခန့်က ၎င်း၏နေအိမ်၌ ကြိုးဆွဲချကာ မိမိကိုယ်ကို အဆုံးစီရင်ခဲ့ခြင်းဖြစ်ပြီး ဘာကြောင့် ယခုလိုပြုလုပ်ရသည်ကို မသိရသေးပေ။

လက်ရှိတွင် ၎င်း၏ရုပ်အလောင်းအား ချင်းပြည်နယ်မြို့ တော် ဟားခါးသို့ပို့ဆောင်ရန် စီစဥ်လျှက်ရှိကြောင်းဒေသခံများထံမှ သိရသည်။

ချင်းပြည်နယ်တွင် ပြည်သူ့တော်လှန်ရေးအားကောင်းနေပြီး CNA/CNF ၊ချင်းပြည်သူ့ကာကွယ်ရေးအဖွဲ့(CDF)များနှင့် အုပ်ချုပ်ရေးအဖွဲ့များက ဒေသတွင်း အုပ်ချုပ်ရေးယန္တရားကို စတင်ဖော်ဆောင်နေသည်။ စစ်ကောင်စီလက်အောက်ခံဝန်ထမ်းများ အမြန်ဆုံးနှုတ်ထွက်ကြရန်လည်း ချင်းပြည်သူ့ကာကွယ်ရေးအဖွဲ့များက သတိပေး ထားသည်။

You May Also Like

သတင်း

KIA တပ်မဟာ(၉) တပ်ရင်း(၆)နယ်မြေ မဒဲယန်တွင် ဒီဇင်ဘာ ၆ရက် ညနေ ၄နာရီ ကစပြီး စစ်ကောင်စီတပ်နှင့် KIA ပူးပေါင်းတပ်တို့ တိုက်ပွဲဖြစ်ပွားခဲ့သည်။

သတင်း

ယမန်နေ့(ဒီဇင်ဘာ ၆ရက်)က ဖာပွန်ခရိုင်ရှိ စစ်ကောင်စီတပ်စခန်း သုံးခုထက်မနည်းကို စခန်းသိမ်းတိုက်ပွဲဆင်နွှဲခဲ့ရာ ညာတခိုကျိုး တပ်စခန်းအပါအဝင် စခန်းအချို့ သိမ်းရခဲ့သည်ဟု KNU သတင်းရင်းမြစ်က ပြောသည်။

သတင်း

အာဏာသိမ်းပြီးနောက် စစ်ကောင်စီတပ်နှင့် တိုက်ပွဲဖြစ်ပွားမှု အလွန်နည်းပါးခဲ့သည့် TNLA တပ်စခန်းကို စစ်ကောင်စီတပ်က ယနေ့ နေ့လယ်ပိုင်းတွင် ထိုးစစ်ဆင်လာခြင်းဖြစ်သည်ဟုဆိုသည်။

သတင်း

လတ်တလောတွင် ချင်းရွှေဟော်ဒေသသို့ ထိုးစစ်ဆင်လာသည့် စစ်ကောင်စီနှင့် ပြည်သူ့စစ်ပူးပေါင်းတပ်သည် ချင်းရွှေဟော်ဒေသ၌ စခန်းချနေသော်လည်း နှစ်ဖက်ပဋိပက္ခ ထပ်မံ ဖြစ်ပွားမှု မရှိဟု ဖော်ပြထားသည်။