ကိုဗစ်တတိယလှိုင်းပြန်စတင်ပြီး သေဆုံးမှုတွေစတင်ခဲ့တဲ့ ဇွန်လဆန်းကစလို့ နေ့စဥ်သေဆုံးနှုန်းက တဖြည်းဖြည်းပြန်ကျလာနေပြီဖြစ်ပါတယ်။
စစ်ကောင်စီနေ့စဥ်ထုတ်ပြန်တဲ့စာရင်းတွေအရ ပိုးတွေ့တဲ့အရေအတွက်ကလည်းလျော့ကျလာနေတာဖြစ်ပါတယ်။ တကယ်ကတော့ စစ်ကောင်စီ ကျန်းမာရေးဝန်ကြီးဌာနက ထုတ်ပြန်တဲ့စာရင်းတွေက နေအိမ်တွေမှာဖျားနာသူတွေ၊ ရောဂါပြင်းထန်သေဆုံးသူတွေမပါဝင်ပါဘူး။
ပြီးခဲ့တဲ့ ရက်ပိုင်းက NUG ကျန်းမာရေးဝန်ကြီးဌာနထုတ်ပြန်တဲ့ စစ်တမ်းမှာတော့ အစိုးရဆေးရုံတွေမှာ တက်ရာက်ကုသမှုခံယူသူအရအတွက်က စုစုပေါင်းကူးစက်ခံရသူရဲ့ ၅ ရာခိုင်နှုန်းပဲ ရှိတယ်လို့ ဆိုပါတယ်။
မြန်မာနိုင်မှာ ကိုဗစ်တတိယလှိုင်းအတွင်း သေဆုံးနှုန်းကလည်းအလွန်မြင့်တက်ခဲ့ပြီး စစ်ကောင်စီကျန်းမာရေးဝန်ကြီးဌာနက ၃.၈ ရာခိုင်နှုန်းအထိအမြင့်ဆုံးထုတ်ပြန်ခဲ့ပေမယ့် NUG စစ်တမ်းထုတ်ပြန်ချက်ကတော့ ၇.၂ ရာခိုင်နှုန်းရှိခဲ့တယ်လို့ ပြောထားပါတယ်။
Public Service Announcement
ပြီးခဲ့တဲ့ ဒုတိယလှိုင်းအတွက်းမှာ သေဆုံးနှုန်းက ၂ ရာခိုင်နှုန်းကျော်ကျော်မှာပဲ ရှိခဲ့တာဖြစ်ပါတယ်။
