ကမ္ဘာ့ရွေးကောက်ပွဲများဆိုင်ရာအဖွဲ့အစည်း (AWEB) ရဲ့ အထွေထွေညီလာခံ တက်ရောက်ဖို့စစ်ကောင်စီရဲ့ ရွေးကောက်ပွဲကော်မရှင်ထံ ဖိတ်ကြားမှုကို NUG အစိုးရက ကန့်ကွက်လိုက်ပါတယ်။
AWEB ရဲ့ညီလာခံကို အောက်တိုဘာလ ၁၉ ရက်ကစတင်ပြီး တောင်အာဖရိက နိုင်ငံ မှာကျင်းပနေတာပါ။
အဲဒီညီလာခံကို တက်ရောက်ဖို့စစ်ကောင်စီ ရွေးကောက်ပွဲကော်မရှင်ဥက္ကဋ္ဌဟာ အောက်တိုဘာလ ၁၆ ရက်က မြန်မာနိုင်ငံကနေထွက်ခွာသွားပါတယ်။
ဒီလို အာဏာသိမ်း စစ်ကောင်စီ ရွေးကောက်ပွဲကော်မရှင်ကို ဖိတ်ကြားချက်အပေါ် AWED ညီလာခံစတဲ့ ရက်မှာပဲ NUG နိုင်ငံခြားရေးဝန်ကြီး ဒေါ်ဇင်မာအောင်ဟာ AWED ထံစာရေးသားပေးပို့ပြီး ကန့်ကွက်ခဲ့ပါတယ်။
Public Service Announcement
အဲဒီစာထဲမှာ စစ်ကောင်စီဟာ လူထုရွေးကောက်တင်မြှောက်တဲ့ ရွေးကောက်ပွဲရလဒ်ကို ပယ်ဖျက်ပြီး အရပ်သားအစိုးရ ကို ဖြုတ်ချအာဏာသိမ်းတာဖြစ်ကြောင်း ၊ ပြည်တွင်းမှာလည်းလူသားမျိုးနွယ်အပေါ် ကျုးလွန်တဲ့ ရာဇဝတ်မှုတွေကို ကျုးလွန်နေတဲ့အဖွဲ့အစည်းဖြစ်ကြောင်းအသိပေးထားပါတယ်။
ဒါကြောင့် စစ်ကောင်စီရဲ့ရွေးကောက်ပွဲကော်မရှင် AWED မှာပါဝင်ပတ်သက်နေမှုကို ထုတ်ပယ်ပေးဖို့ NUG အစိုးရက ဘက်ကတောင်းဆိုထားတာတွေ့ရပါတယ်။
