'/%3E%3C/svg%3E){kind=small}
တမူးမြို့တွင် ယနေ့ နေ့လယ် ၁၂နာရီဝန်းကျင်မှစ၍ပြည်သူ့ကာကွယ်ရေးတပ်နှင့် စစ်ကောင်စီတိုက်ပွဲဖြစ်နေပြီး ညနေပိုင်းတွင် စော်ဘွားရပ်ကွက်(၅)ရှိ စစ်ကောင်စီရုံးတစ်ရုံး မီးလောင်ကျွမ်းနေကြောင်းဒေသခံများကပြောသည်။
“တိုက်ပွဲကနေ့လယ်ကတည်းကဖြစ်တာ။ကလေးတွေကမြို့ထဲဘက်ဝင်လာတာ။အခုညနေလည်းပစ်နေကြတုန်းပဲ”ဟု တမူးမြို့ခံတစ်ဦးကပြောသည်။
စော်ဘွားရပ်ကွက်(၅)သည် တမူး-ကလေးအာရှလမ်းမကြီးဘေးတွင် ရှိသည်။ လမ်းမကြီးအနီးရှိ စစ်ကောင်စီလက်အောက်ခံပို့ဆက်ဌာနရုံးသည် ယနေ့(အောက်တိုဘာလ ၂၈ရက်) လေးနာရီခန့်တွင် မီးလောင်ကျွမ်းနေသည်ဟု မျက်မြင်တွေ့သူများကပြောသည်။
“မီးတောက်က ကြီးတယ်။အဲ့နားမှာတင်ပစ်ခတ်နေကြတုန်းပဲ”ဟုဒေသခံတစ်ဦးကပြောသည်။
Public Service Announcement
တမူးပြည်သူ့ကာကွယ်ရေးတပ်မှ ရဲဘော်အချို့သည်ယမန်နေ့(အောက်တိုဘာလ ၂၇ရက်)ညကတမူးမြို့ထဲအထိဝင်လာပြီး မြို့ပေါ်လမ်းမတွင်” ငါတို့မြို့ ငါတို့ပိုင်ရမည်”ဟူသော စာသားကို မှုတ်ဆေးဗူးဖြင့် မှုတ်ခဲ့ကြသည်။ ထို့နောက် စစ်ကောင်စီက မြို့ပေါ်ရပ်ကွက်များတွင် အင်းအားတိုးမြှင့်နေသည်ဟုဒေသခံများကပြောသည်။
တိုက်ပွဲအခြေအနေအသေးစိပ်ကိုမသိရသေးဘဲမကြာခင်ထုတ်ပြန်မည်ဟု တမူးပြည်သူ့ကာကွယ်ရေးတပ်မှတာဝန်ရှိသူတစ်ဦးကပြောသည်။
