ပြည်သူ့ကာကွယ်ရေးတပ်မတော် မန္တလေး PDF နဲ့ စစ်ကောင်စီလက်အောက်ခံတပ်တွေကြား ပြီးခဲ့တဲ့ ရက်ပိုင်းတွေက မန္တလေးတိုင်း ပြင်ဦးလွင်နဲ့ ရှမ်းပြည်နယ် နောင်ချို မြို့နယ်အစပ် မှာ ၂ ရက်ကြာ ထိတွေ့တိုက်ခိုက်မှုဖြစ်ခဲ့ပါတယ်။
နိုဝင်ဘာ ၈ ရက်နဲ့ နိုဝင်ဘာလ ၉ ရက်တွေမှာ တိုက်ပွဲဖြစ်ခဲ့တာဖြစ်ပြီး ၂ ဖက်အကျအဆုံးရှိတယ်လို့ မန္တလေးPDF ရဲ့ ပြောရေးဆိုခွင့်ရှိသူ ဗိုလ်မိုးကြိုးက ပြောပါတယ်။
တိုက်ပွဲအတွင်း စစ်ကောင်စီတပ်ဘက်က အရာရှိအပါအဝင် ၂၀ ကျော် သေဆုံးသလို PDF တပ်ဖွဲ့ဝင် ၁ ဦးလည်းကျဆုံးသွားတယ်လို့ ဗိုလ်မိုးကြိုးထံက သိရပါတယ်။
“စစ်အုပ်စုဘက်ကလည်း ရာထူးကြီး တစ်ယောက်အပါအဝင် သေတာများတယ်လို့ ပြန်သိရတယ်၊ကျွန်တော်တို့ဘက်ကလည်း ရဲဘော်တစ်ယောက် မြင့်မြတ်စွာ အသက်ပေးလိုက်ရတယ် ” လို့ ဗိုလ်မိုးကြိုးကပြောပါတယ်။
Public Service Announcement
ကျဆုံးသွားတဲ့ မန္တလေး PDF က ရဲဘော်ဟာ ရဲဘော်မှန်လေးခေါ် ကိုဇော်ဝင်းမောင်ဖြစ်တယ်လို့သိရပါတယ်။
လက်ရှိအချိန်မှာလည်း စစ်ကောင်စီတပ်ရဲ့ ခြေမြန်တပ်ရင်း ၅၀၂ ၊၅၀၃ တို့ရဲ့ အင်အား ၂၀၀ ဝန်းကျင်ပါတဲ့ စစ်ကြောင်းထိုးလာလို့ မန္တလေး PDF နဲ့စစ်ရေးတင်းမာနေပါတယ်။
