လေကြောင်းပစ်ကူပေးတုံ့ပြန်၊ စစ်ကောင်စီ၏ ဒုတပ်ကြပ်တစ်ဦး၏ အလောင်းကို လေသာရွာစာသင် ကျောင်း၌ မြေမြှုပ်သွား
လေကြောင်းပစ်ကူပေးတုံ့ပြန်၊ စစ်ကောင်စီ၏ ဒုတပ်ကြပ်တစ်ဦး၏ အလောင်းကို လေသာရွာစာသင် ကျောင်း၌ မြေမြှုပ်သွားစစ်ကိုင်းတိုင်း ထီးချိုင့်မြို့နယ်ရှိ ကျေးရွာများအား မီးရှို့ဖျက်ဆီးမှုလုပ်နေသည့် စစ်ကောင်စီတပ် စစ်ကြောင်းကို ဒေသခံပြည်သူ့ကာကွယ်ရေးတပ်၊ ကချင်လွတ်လပ်ရေးတပ်မတော်(KIA) ပူးပေါင်းအဖွဲ့တို့က တိုက်ခိုက်ခဲ့ရာ စစ်ကောင်စီတပ်သေဆုံးထိခိုက်မှုရှိခဲ့ပြီး လေကြောင်းမှတုံ့ပြန်တိုက်ခိုက်လာကြောင်း ဒေသခံက ပြောသည်။
စစ်ကောင်စီတပ်သည် နိုဝင်ဘာ ၂၅ရက်မှ ဒီဇင်ဘာ ၁ရက်အတွင်း ထီးချိုင့်နယ်ရှိ အလယ်တော၊ ဆူးပုတ် ချောင်၊ အင်ကြင်းကုန်း၊ အင်းတိန်နှင့် လေသာကျေးရွာတို့ကို မီးရှို့ခဲ့ရာ KIA/PDF တို့နှင့်အတူ ဒေသခံများပါပါဝင်ပြီး စစ်ကောင်စီတပ်ကို ခုခံတိုက်ခိုက်ခဲ့သည်ဟု ဆိုသည်။
“ညတုန်းက ပြည်သူ့ဘက်တော်သားတွေ ၊ လက်နက်ကိုင်ပကဖတွေနဲ့ KIA တွေကတော့ အတော်အသင့်တော့ ပါကောင်းပါလိမ့်မယ်။ အဲဒါနဲ့ အကုန် လုံးဝိုင်းပြီးတော့မှ လုပ်တဲ့အခါမှာ သူတို့ကတော့ ထွက်ပြေးသွားတယ်။ အဲဒါက လေသာမှာ။ အခုမနက်မှာတော့ သူတို့မရှိတော့တဲ့အခါ လေသာရွာထဲ ဝင်လိုက်တဲ့အခါ မှာ လေသာရွာကတော့ ရွာပျက်ကြီးဖြစ်သွားပါပြီ။ အိမ်ကြီးအိမ်ကောင်း တိုက် တာ အဆောက်အဦတွေအကုန်လုံး မီးရှို့သွားပါတယ်။ အကုန်လုံးနီးပါးပေါ့”ဟု ဒေသခံက ပြောသည်။
ယမန်နေ့ညပိုင်းတွင် စစ်ကောင်စီတပ်က တိုက် လေယာဉ်ဖြင့် လေကြောင်းက တိုက်ခိုက်ခဲ့သေးသည်ဟု ဆိုသည်။ နိုဝင်ဘာ ၂၇ရက် တိုက်ပွဲနှင့် နိုဝင်ဘာ ၂၈ရက်တိုက်ပွဲတွင်လည်း စစ်ကောင်စီတပ်က လေကြောင်းပစ်ကူပေးတိုက်ခိုက်ခဲ့သည်။
Public Service Announcement
ယမန်နေ့တိုက်ခိုက်မှုတွင် ကာကွယ်ရေးပူးပေါင်းတပ်ဖွဲ့ဘက်မှ ထိခိုက်မှုမရှိဟု ဆိုသည်။စစ်ကောင်စီတပ်က ထိခိုက်သေဆုံးမှုရှိပြီး ဒုတပ်ကြပ်တစ် ဦး၏ ရုပ်အလောင်းကို ယနေ့နံနက်ပိုင်း၌ တွေ့ရှိခဲ့သည်ဟု ဒေသခံက ပြောသည်။
“ဒီနေ့မနက်မှာတော့ ခွေးအလောင်းတစ်လောင်း ဒုတပ်ကြပ် မောင်ဇော်လို့ အမည်ရတဲ့ ဒုတပ်ကြပ် အလောင်းတစ်လောင်း ကျောင်းဝင်းထဲမှာ မြှုပ်ထားတာ သွားတွေ့တယ်။ သူတို့ ဆေးတွေ ကုထားတဲ့ သွေးကွက်တွေ သွားတွေ့ပါတယ်” ဟု ဒေသခံက ပြောသည်။
ယနေ့နံနက်တွင်လည်း စစ်ကောင်စီတပ်၏ အခြားစစ်ကြောင်းတစ်ခုနှင့် ကာကွယ်ရေးတပ်ဖွဲ့များ ထီးချိုင့်မြို့အထွက်၌ တိုက်ပွဲဖြစ်ပွားနေပြီး အသေးစိတ်အခြေအနေများ မသိရသေးဟု ဒေသခံက ပြောသည်။
