Connect with us

Hi, what are you looking for?

သတင်း

စစ်ကောင်စီဟာ ​သေဒဏ်ကိုအတိုက်အခံဖြိုခွင်းရေး ကိရိယာ အဖြစ်သုံး​နေတယ်လို့ လူ့အခွင့်အရေးဆိုင်ရာ မဟာမင်းကြီး ဝေဖန်

ရန်ကုန်မြို့၊ ဒဂုံတက္ကသိုလ်ရဲ့ ကျောင်းသား သမဂ္ဂက အသက် ၁၈ နှစ်နဲ့ ၂၄ နှစ်ကြား တက္ကသိုလ်ကျောင်းသား လူငယ် ၇ ဦး သေဒဏ်စီရင်ခံခဲ့ရကြောင်း ဒီဇင်ဘာ ၁ ရက်မှာ ထုတ်ပြန်ခဲ့ပါတယ်။ အဲဒီ လူငယ်တွေဟာ ဧပြီ ၂၁ ရက်မှာ အဖမ်းဆီး ခံရပြီး အင်းစိန်ထောင်ထဲမှာ နိုဝင်ဘာ ၃၀ ရက်က ကွပ်မျက် ခံခဲ့ရတာလို့ သိရပါတယ်။

(ကုလသမဂ္ဂရဲ့ လူ့အခွင့်အရေးဆိုင်ရာ မြန်မာမင်းကြီးဗော်လ်ကာတက်ခ်။ ။ဓါတ်ပုံ- AP)
(ကုလသမဂ္ဂရဲ့ လူ့အခွင့်အရေးဆိုင်ရာ မြန်မာမင်းကြီးဗော်လ်ကာတက်ခ်။ ။ဓါတ်ပုံ- AP)

▪︎​သေဒဏ်စီရင်မှုအားလုံးဆိုင်းငံ့ထားဖို့တိုက်တွန်း

အတိုက်အခံ အင်အားစုတွေကို ဖြိုခွင်းတဲ့ ကြားခံ ကိရိယာ အနေနဲ့ သေဒဏ် စီရင်ချမှတ်မှုတွေကို အာဏာသိမ်း စစ်ကောင်စီက ရည်ရွယ်ချက်ရှိရှိ အသုံးချနေကြောင်း ကုလသမဂ္ဂက ပြောကြားခဲ့ပါတယ်။

ကုလသမဂ္ဂရဲ့ လူ့အခွင့်အရေးဆိုင်ရာ မြန်မာမင်းကြီး ဗော်လ်ကာ တက်ခ်က မြန်မာ စစ်ကောင်စီဟာအတိုက်အခံအကျဉ်းသား ၁၃၀ ကျော်ကို သေဒဏ်တွေ စီရင်ချက်တွေ ချမှတ်ထားတယ်လို့ ဆိုပါတယ်။ ဒါဟာ မနှစ်ကအာဏာသိမ်းမှုအပြီး ဆန့်ကျင်ဖက် အင်အားစုတွေကို ဖြိုခွင်းဖို့အတွက် သေဒဏ် စီရင်မှုကို ရည်ရွယ်ချက်ရှိရှိ အသုံးချနေတယ်ဆိုတာ ခိုင်မာလာစေတယ်လို့ တက်ခ်က ရှုတ်ချသွားပါတယ်။

နိုဝင်ဘာ ၃၀ ရက်မှာ တက္ကသိုလ် ကျောင်းသားလူငယ် အနည်းဆုံး ၇ ယောက်လောက်ဟာ တံခါးပိတ် သေဒဏ်စီရင် တာခံလိုက်ရတယ်လို့ သူကပြောပါတယ်။ ဒီဇင်ဘာ ၁ ရက်မှာလည်း နောက်ထပ် တက်ကြွလှုပ်ရှားသူ လူငယ် ၄ ဦးဟာ သေဒဏ် ထပ်ချခံရတယ်လို့ သတင်းတွေ ရရှိထားကြောင်း တက်ခ်က ဆိုပါတယ်။

တက်ခ်က အာဏာသိမ်း မြန်မာစစ်ဗိုလ်ချုပ်တွေ အနေနဲ့ သေဒဏ်စီရင်မှု အားလုံးကို ဆိုင်းငံ့ထားဖို့လည်း တောင်းဆိုခဲ့ပါတယ်။ လူမြင်ကွင်း နောက်ကွယ်မှာ လျှို့ဝှက်တရားခွင်တွေနဲ့ စီရင်စစ်ဆေးပြီး သေဒဏ်စီရင်တာမျိုးတွေ မြန်မာစစ်တပ်က ဆက်လက် လုပ်ဆောင်နေကြောင်း၊ ဒါဟာ မျှတတဲ့ တရားစီရင် စစ်ဆေးမှုဆိုင်ရာ အခြေခံ စံသတ်မှတ်ချက်တွေ အားလုံးကို ပြောင်ပြောင်တင်းတင်း ချိုးဖောက်နေတာဖြစ်ကြောင်းလည်း သူက ပြောကြားသွားပါတယ်။

Public Service Announcement

Public Service Announcement

ရန်ကုန်မြို့၊ ဒဂုံတက္ကသိုလ်ရဲ့ ကျောင်းသား သမဂ္ဂက အသက် ၁၈ နှစ်နဲ့ ၂၄ နှစ်ကြား တက္ကသိုလ်ကျောင်းသား လူငယ် ၇ ဦး သေဒဏ်စီရင်ခံခဲ့ရကြောင်း ဒီဇင်ဘာ ၁ ရက်မှာ ထုတ်ပြန်ခဲ့ပါတယ်။ အဲဒီ လူငယ်တွေဟာ ဧပြီ ၂၁ ရက်မှာ အဖမ်းဆီး ခံရပြီး အင်းစိန်ထောင်ထဲမှာ နိုဝင်ဘာ ၃၀ ရက်က ကွပ်မျက် ခံခဲ့ရတာလို့ သိရပါတယ်။

စစ်ကောင်စီဟာ အရင်ကလည်း နိုင်ငံတကာကန့်ကွက်မှုတွေ ရှိနေတဲ့ကြားက ထင်ရှားတဲ့ နိုင်ငံရေးသမားတွေဖြစ်တဲ့ ကိုဂျင်မီ၊ ကိုဖြိုးဇေယျာသော်တို့ကို သေဒဏ်စီရင်ခဲ့ဖူးပါတယ်။ ဒီလို တရားလက်မဲ့ လုပ်ရပ်အတွက် ကုလသမဂ္ဂ အပါအဝင် နိုင်ငံတကာ အသိုက်အဝန်းက အပြင်းအထန် ရှုတ်ချနေပေမယ့် စစ်ကောင်စီက သေဒဏ်ကို နိုင်ငံရေး လက်နက် တစ်ခုအဖြစ် မျက်နှာပြောင်တိုက်ပြီး ဆက်လက် အသုံးပြုနေတာ ဖြစ်ပါတယ်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

အာဏာသိမ်းမြန်မာစစ်တပ်ရဲ့လက်အောက်ခံတပ်ဖြစ်တဲ့ကိုးကန့်နယ်ခြားစောင့်တပ်ခေါင်းဆောင်အပါအဝင်ကိုးကန့် ဝေမိသားစုဝင်သုံးဦးကို ကျားဖြန့်အမှုနဲ့တရုတ်တရားရုံးကဒီနေ့ (အောက်တိုဘာလ ၁၃ ရက်)မှာ သေဒဏ်ချလိုက်ပါတယ်။

Facebook