ကလေးမြို့နယ်မြောက်ပိုင်းတွင်ပြည်သူ့ကာကွယ်ရေးတပ်ဖွဲ့များနှင့် စစ်ကောင်စီတပ် ယနေ့ နံနက်တိုက်ပွဲအပြင်းအထန်ဖြစ်ပွားနေသည်။
ကလေးမြို့နယ်ပြည်သူ့ကာကွယ်ရေးတပ်ဖွဲ့( ကလေး-PDF) အပါအဝင်ပြည်သူ့ကာကွယ်ရေးမဟာမိတ်များနှင့်စစ်ကောင်စီတပ်သည် ကလေးမြို့နယ်မြောက်ပိုင်း၊ ကလေး-တမူးအာရှလမ်းမကြီးဘေးဝန်းကျင်တွင် တိုက်ပွဲဖြစ်ပွားနေခြင်းဖြစ်ကြောင်း PDFတစ်ဦးကပြောသည်။
“ဒီမနက်၇ နာရီလောက်ကတည်းကတိုက်ပွဲဖြစ်နေတာ။ ပြည်သူတွေ ကလေးမြောက်ပိုင်းဘက်ကိုအသွားအလာဒီနေ့ သတိပြုပေးပါ”ဟုကလေးမြို့ပြည်သူ့ကာကွယ်ရေးရဲဘော်တစ်ဦးကပြောသည်။
ကလေး-တမူး အာရှလမ်းမကြီးတွင်နိုဝင်ဘာလအတွင်းက တိုက်ပွဲအပြင်အထန်ဖြစ်ခဲ့ပြီးစစ်ကောင်စီအထိနာခဲ့သည်။ ဒီဇင်ဘာ ၇ရက်ကလည်းကလေး PDFတပ်ဖွဲ့ဝင်တစ်ဦး၏အိမ်ကို မီးလာရှို့သည့် စစ်ကောင်စီတပ်အား အိမ်အတွင်းမိုင်းထောင်၍တိုက်ခိုက်ရာစစ်ကောင်စီဘက်က၁၅ဦးထက်မနည်းသေဆုံးခဲ့ကြောင်း ကလးPDFက သတင်းထုတ်ပြန်ခဲ့သည်။ ဒီဇင်ဘာလဆန်းမှစ၍ ကလေးမြို့တွင်စစ်ရေးတင်းမာနေသည်။
Public Service Announcement
