စစ်ကိုင်းတိုင်း၊ အရာတော်မြို့နယ်ရှိ ဖားအောက်တောကျေးရွာ၌ တပ်စွဲထားသော စစ်ကောင်စီတပ်အား ဒရုန်းဖြင့် ဗုံးချတိုက်ခိုက်ခဲ့ကြောင်း Danger Force LPDFအဖွဲ့ ပြန်ကြားရေးတာဝန်ခံက ပြောသည်။
ယမန်နေ့(ဇန်နဝါရီလ ၁၆ ရက်) ညနေ၃ နာရီမိနစ် ၅၀ခန့်က အရာတော်မြို့နယ်၊ ဖားအောက်တောကျေးရွာတွင် တပ်စွဲထားသော စစ်ကောင်စီတပ်ဖွဲ့ဝင်များအား ဒရုန်းဖြင့် ဗုံး နှစ်ကြိမ်ချကာ တိုက်ခိုက်ခဲ့ရာ စစ်ကောင်စီတပ်ဖွဲ့ဝင်တစ်ဦးအပြင်းအထန် ထိခိုက်ဒဏ်ရာရရှိသွားကြောင်းDanger Force LPDFအဖွဲ့ ဒရုန်းတာဝန်ခံ ကိုမာန်ဟုန်က ပြောသည်။
“ဖားအောက်တောက အရာတော် အနောက်မြောက်ဘက်မှာ ရှိတာပါ။ တပ်စွဲတာက နှစ်ရက်သုံးရက်လောက်ပဲရှိသေးတယ်။ အရင်ကလည်း မကြာခဏ တပ်စွဲဖူးတယ်။ စယသင်ကျောင်းထဲမှာတပ်စွဲထားတာပါ။ ဗုံးနှစ်လုံးဆက်တိုက်ချတာ ဗိုလ်တစ်ကောင်အပြင်းအထန် ထိခိုက်ဒဏ်ရာရသွားတယ်လို့ သတင်းရတယ်။”ဟု ဒရုန်းတာဝန်ခံ ကိုမာန်ဟုန်က ပြောသည်။
ဗုံးချတိုက်ခိုက်ပြီးနောက် စစ်အုပ်စုက လက်နက်ကြီးများဖြင့် ပြန်ပစ်ခတ်ခဲ့သော်လည်း ရဲဘော်များ အထိအခိုက်မရှိ ဆုတ်ခွာခဲ့သည်ဟု အထက်ပါ တာဝန်ခံက ဆိုသည်။
Public Service Announcement
အဆိုပါ စစ်ဆင်ရေးကို Danger Force LPDF၊ Ngwe Dwin Revolution Force (NDRF)၊ MRTF တပ်ဖွဲ့၊ သပြေညို ပြောက်ကျားတပ်ဖွဲ့၊မိုင်းမင်းသား မြေအောက်ပျောက်ကျားတပ်ဖွဲ့တို့ က ပူးပေါင်းတိုက်ခိုက်ခဲ့ကြောင်း အသိပေးထားသည်။
Danger Force LPDF အဖွဲ့နှင့် တော်လှန်ရေးအင်အားစုများသည် ဇန်နဝါရီလ (၁၃)ရက် နံနက်ပိုင်းကလည်း အရာတော်မြို့အနောက်ဘက်ရှိ မြို့အဝင်စစ်ဆေးရေးဂိတ်ကို ဒရုန်းဖြင့် ဗုံးချတိုက်ခိုက်ခဲ့ရာ စစ်အုပ်စု ထိခိုက်သေဆုံးမှုရှိကြောင်း ထုတ်ပြန်ထားသည်။
