စစ်ကိုင်းတိုင်း ဝက်လက်မြို့နယ်ရှိ ရွှေဘို-မန္တလေးလမ်းမကြီး၏ အနောက်ဘက်ခြမ်းကျေးရွာများတွင် အာဏာသိမ်စစ်ကောင်စီတပ်များ ဝင်ရောက်အကြမ်းဖက်ပစ်ခတ်နေ၍ ဒေသခံထောင်ချီ ထွက်ပြေးတိမ်းရှောင်နေရကြောင်း ဒေသခံများက ပြောသည်။
ဝက်လက်မြို့နယ် မုံရွာ-အရာတော်-ရွှေဘိုကားလမ်းပေါ်ရှိရွှေပန်းကုံးစံပြကျေးရွာတွင် စက်တင်ဘာလ ၉ ရက်နေ့နံနက်ပိုင်းက ရွှေပန်းကုံးနယ်မြေရဲစခန်း တိုက်ခိုက်ခံခဲ့ရရာ ရဲနှစ်ဦးသေဆုံးခဲ့ပြီးနောက် အဆိုပါကျေးရွာအနီးတဝိုက် ဒေသများအားစစ်ကောင်စီတပ်က အကြမ်းဖက်ဖိနှိပ်နေခြင်းဖြစ်ကြောင်း ဝက်လက်ဒေသခံများက ပြောသည်။
ယမန်နေ့ (စက်တင်ဘာလ ၁၁)က ဝက်လက်မြို့နယ်၊ ရွှေပန်းကုန်းကျေးရွှာ၊ရွှာသာကြီးကျေးရွှာနှင့် ရွှာသာကြီး-သမရိုး လမ်းအနီးနားဝန်းကျင်၊ ဝက်လက် အနောက်ခြမ်းဒေသများတွင် စစ်ကောင်စီတပ်များသည်။
နေအိမ်များအား အကြောင်းမဲ့ တစ်အိမ်ဆင်းတစ်အိမ်တတ် ဝင်ရောက်ရှာဖွေခြင်း၊ လမ်းတွင်တွေ့သော လူငယ်များအား ဖုန်းများစစ်ဆေးပြီး ဖုန်းအချို့အား သိမ်းယူခြင်း၊ ဈေးဆိုင်များတွင်ရှိသော ပစ္စည်းများအားသေနက်ဖြင့် ချိန်းခြောက်ကာ လုယူခြင်း၊ အပြစ်မဲ့ပြည်သူများအားဖမ်းဆီးကာ ပိုက်ဆံဖြင့် မိသားစုဝင်များအားလာရွေးခိုင်းခြင်း၊နေအိမ်တွင်ရှိသောပြည်သူများ၏ ကားများ၊ဆိုင်ကယ်များအား လက်နက်အားကိုးဖြင့် ချိန်းခြောက်ကာ လုယူခြင်း၊ ရွှာသူ၊ရွှာသားများအားကြောက် လန့်စေရန်အကြောင်းမဲ့ သေနက်ပစ်ဖောက်ခြင်းများ မကြာခဏ ပြုလုပ်နေသောကြောင့် ဒေသခံ နှစ်ထောင်ကျော် ကြောက်လန့်ပြီး ဘေးလွတ်ရာထွက်ပြေးတိမ်းရှောင်နေရကြောင်း ဒေသခံများက ပြောသည်။
Public Service Announcement
စက်တင်ဘာလ ၁၀ ရက်ကလည်း ဝက်လက်မြို့နယ် မင်းကုန်းကျေးရွာမှ ပျူစောထီးအဖွဲ့ဝင် ဖိုးခိုင်ဆိုသူအား ပစ်သတ်ခဲ့ကြောင်း ပြည်သူ့တော်လှန်ရေးသမားများက အသိပေးခဲ့သည်။
ဝက်လက်နယ်ရှိ မင်းကုန်းရွာနှင့် သရိုင်ရွာကြား Mytel တာဝါတိုင်အနီးဘုန်းကြီးကျောင်းထဲတွင်လည်း လာရောက်တပ်ဆွဲထားကြောင်း ဒေသခံများကပြောသည်။
