မကွေးတိုင်း၊ မြိုင်မြို့နယ်နှင့် ပေါက်မြို့နယ်အစပ်တွင် စစ်ကောင်စီစစ်ကြောင်းနှင့် ရိက္ခာတင်ယာဥ်များအား မိုင်းနှင့် ဒရုန်းများဖြင့်တိုက်ခိုက်ခဲ့ကြောင်း မြိုင်(ပကဖ)ခေါင်းဆောင် ကိုလယျာ်က ပြောကြား သည်။
ယနေ့ (ဇန်နဝါရီ၂၈ရက်)နံနက် ၅ နာရီကျော်ကစပြီး ပေါက်မြို့နယ်နှင့် မြိုင်မြို့နယ်အစပ်ရှိ ကံသစ်ကျေးရွာရှိ စစ်ကောင်စီစစ်ကြောင်းအား မြိုင်(ပကဖ) ရင်း (၁)နှင့် ပေါက်ကျေးရွာကာကွယ်ရေးအဖွဲ့များ ပူးပေါင်း၍ ဒရုန်းဖြင့် အီနာဂါဗုံးသီး၁၈လုံးချကာ တိုက်ခိုက်ခဲ့ကြောင်း ကိုလယျာ်က ပြောသည်။
အဆိုပါစစ်ကောင်စီတပ်သည် နံနက် ၇ နာရီ မိနစ် ၅၀ခန့်တွင် ကံသစ်ကျေးရွာမှ ထွက်ခွာရာ ဘူတာအနီးရှိတဲအား မီးရှို့သွားခဲ့ပြီးနောက် မိုင်းပွိုင့် နှစ်ပွိုင့်၊ မိုင်း ၁၁လုံးဖြင့် တိုက်ခိုက်ခဲ့ရာ ထိခိုက်ဒဏ်ရာများရရှိသွားကြောင်း ကိုလယျာ်က ပြောသည်။
ထို့နောက် Faw ကား လေးစီးဖြင့် ဖြေးဖြေးချင်း ရွေ့လျားလာပြီး အဆိုပါ စစ်ကောင်စီယာဥ်တန်းကို ဖလံကိုင်းစခန်းမှ စစ်ကောင်စီတပ်နှင့်ပျူ ၂၀ ကျော်က လာရောက်ကြိုခဲ့ကြသည်။
Public Service Announcement
ကျောက်တိုင်ခင်ကျေးရွာလမ်းခွဲအနီး ဇရပ်တွင် စောင့်ဆိုင်းနေသော စစ်သားနှင့်ရဲများအား ဒရုန်းဖြင့် အီနာဂါဗုံးသီး သုံးလုံးချ တိုက်ခိုက်ခဲ့ရာ စစ်ကောင်စီတပ်သား သုံးဦး ဒဏ်ရာရသွားကြောင်း ၎င်းက ဆိုသည်။
အဆိုပါ စစ်ကြောင်းသည် ညနေ ၄ နာရီခန့်တွင် ဖလံကိုင်းကျေးရွာ ဘုန်းကြီးကျောင်း၌ စခန်းချနေကြောင်း မြိုင်(ပကဖ)က အသိပေးသည်။
စစ်ကောင်စီ၏ ရိက္ခါတင်ယာဥ်တန်းသည် ဇန်နဝါရီလ ၂၃ ရက်နေ့ကတည်းက ကိုင်းတောမရဲစခန်းမှ Well2 ရေနံမြေစခန်းသို့ ရိက္ခာပို့ ထွက်လာပြီးနောက် Well 2 မှတဆင့်ဆက်ထွက်လာရာ ဆက်တိုက်တိုက်ခံနေရသည်။
