'/%3E%3C/svg%3E){kind=small}
မန္တလေး အိုးဘိုထောင်မှာ နိုင်ငံရေးအကျဉ်းသူတွေကို ထောင်ဝန်ထမ်းတွေက ပြီးခဲ့တဲ့ ရက်ပိုင်းက ရိုက်နှက်မှုတွေလုပ်ခဲ့လို့ ဒါဇင်နဲ့ချီပြီး ထိခိုက်ဒဏ်ရသူတွေရှိခဲ့တယ်လို့ အကျဉ်းထောင်အသိုင်းအဝိုင်းကတဆင့်သိရပါတယ်။
ဖေဖော်ဝါရီလ ၃ ရက်နဲ့ ၄ ရက်နေ့တွေမှာ အမျိုးသမီး အိပ်ဆောင် ၁ နဲ့ အိပ်ဆောင် ၂ တို့ကို ထောင်ဝန်ထမ်းတွေက ဝင်ရိုက်တာပါ။
အကျဉ်းသူအချင်းချင်း စကားများတာကို ထောင်အာဏာပိုင်တွေက ဖြေရှင်းမပေးဘဲ ဝင်ရောက် ရိုက်နှက်တာလို့ အိုးဘိုထောင်နဲ့နီးစပ်သူတစ်ဦးကအတည်ပြုပေးပါတယ်။
ဒီလို ရိုက်နှက်သူတွေဟာ အမျိုးသားထောင်ဝန်ထမ်းတွေဖြစ်တယ်လို့ လည်းအဲဒီသတင်းရင်းမြစ်က ဆိုပါတယ်။
Public Service Announcement
ရိုက်နှက်ရာမှာလည်း ဒုတ်၊ ဝါးဆစ်ပိတ် ၊ကျင်စက်၊လောက်လေးခွ တွေပါတယ်လို့သိရပါတယ်။
” အခြေနေတော်တော်ဆိုးတဲ့သူတွေကို ရုံးထုတ်မပေးတော့ဘဲ ရုံးချိန်းပဲယူတယ်၊ တချို့ကျတော့ ထုတ်ပေးပေမယ့် စကားပြောခွင့်မပေးဘူး” လို့ အကျဉ်းထောင်နဲ့နီးစပ်တဲ့သတင်းရင်းမြစ်က ပြောပြပါတယ်။
” တော်တော်လေးနှိပ်စက်ခံရပုံပဲ ” လို့ အဲဒီသတင်းရင်းမြစ်က ဆိုပါတယ်။
စစ်ကောင်စီဘက်က ဒီသတင်းနဲ့ပတ်သက်ပြီး တစုံတရာထုတ်ပြန်တာမျိုးမရှိသေးပါဘူး။
