Connect with us

Hi, what are you looking for?

သတင်း

၂၀၀၈ ခြေဥလက်ခံသည့် နိုင်ငံရေးပါတီများ ရန်သူအဖြစ်သတ်မှတ်ကြောင်း KIA အသိပေးထားသော်လည်း ကချင် KSPPပါတီ စစ်ကောင်စီထံ မှတ်ပုံတင်လျောက်

အာဏာသိမ်းစစ်ကောင်စီက ၎င်းတို့အာဏာတည်မြဲရေးအတွက် အယောင်ပြပြုလုပ်ရန်စီစဉ်နေသည့် ရွေးကောက်ပွဲအား တော်လှန်ရေးရဲဘော် များနှင့် တော်လှန်ရေးအင်အားစုများက အပြင်းအထန်ကန့်ကွက်ထားသည်။

(ကချင် KSPPပါတီဝင်များအား တွေ့ရစဉ်။ ဓာတ်ပုံ - CJ)
(ကချင် KSPPပါတီဝင်များအား တွေ့ရစဉ်။ ဓာတ်ပုံ - CJ)

ကချင်ပြည်နယ်ပြည်သူ့ပါတီ(KSPP)သည် စစ်ကောင်စီဖွဲ့စည်းထားသည့် ရွေးကောက်ပွဲကော်မရှင်ထံသို့ ယမန်နေ့ (မတ်လ ၇ရက်)က ပါတီ ဆက်လက်တည်ထောင်ခွင့် မှတ်ပုံတင် လျှောက်ထားခဲ့ကြောင်း စစ်ကောင်စီဝါဒဖြန့် သတင်းစာ၌ ဖော်ပြထားသည်။

ကချင်လွတ်လပ်ရေးအဖွဲ့(KIO)ဒုဥက္ကဋ္ဌဟောင်းဖြစ်သည့် ဒေါက်တာတူးဂျာ ဦးဆောင်ပြီး ကချင်ပြည်နယ်ရှိ နိုင်ငံရေးပါတီများ ပူးပေါင်းဖွဲ့စည်းထားသည့် KSPPအနေဖြင့် ၂၀၀၈ ဖွဲ့စည်းပုံအခြေခံဥပဒေ လက်ခံပါက ရန်သူအဖြစ် သတ်မှတ်မည်ဖြစ်ကြောင်း KIO/KIAက အသိပေးထားသည့် ကြားမှ ယခုကဲ့သို့ မှတ်ပုံတင်လာခြင်းဖြစ်သည်။

ယင်းသို့ KSPP က စစ်ကောင်စီထံ မှတ်ပုံတင်ခြင်းနှင့်ပတ်သက်ပြီး KIO/KIA သတင်းနှင့် ပြန်ကြားရေးတာဝန်ခံ ဗိုလ်မှူးကြီး နော်ဘူထံသို့ သဘောထားမေးမြန်းရာ မှတ်ချက်မပေးနိုင်သေးကြောင်း ဖြေကြားသည်။

KSPPတာဝန်ရှိသူအချို့ထံသို့ ဆက်သွယ်ရာတွင် လည်း အဆက်အသွယ်မရသေးပေ။

Public Service Announcement

Public Service Announcement

KSPP၏ ယခုနှစ် ဖေဖော်ဝါရီ ၄ရက် ကြေညာချက်တွင် ဒုတိယအကြိမ် ပါတီညီလာခံက KSPP ၏ တည်တံ့ခိုင်မြဲရေးကို ပါတီအနေဖြင့် ရိုးသားဖြောင့်မတ်စွာ ဆောင်ရွက်ရန် သဘောတူညီဆုံးဖြတ်ခဲ့ကြောင်း အသိပေးထားသည်။

KIA အနေဖြင့်၂၀၀၈ ဖွဲ့စည်းပုံ အခြေခံဥပဒေကို လက်ခံကာ နိုင်ငံရေးပါတီ တည်ထောင်သူများကို ရန်သူအဖြစ် သတ်မှတ်သွားမည်ဖြစ်ကြောင်း ၂၀၂၂မေလက အသိပေးထားသည်။

“KIO အနေနဲ့ ၂၀၀၈ ဖွဲ့စည်းပုံ အခြေခံဥပဒေကို လက်မခံဘူး။လက်ခံပြီး ပါတီတွေ ထောင်ရင်တော့ ရန်သူအဖြစ် သတ်မှတ်ထားမှာ ဖြစ်တယ်”ဟု KIO/KIA သတင်းနှင့် ပြန်ကြားရေးဌာန တာဝန်ခံ ဗိုလ်မှူးကြီးနော်ဘူက ပြောကြားထားသည်။

ထို့ပြင် စစ်ကောင်စီလက်အောက်ခံ ပြည်သူ့စစ်၊BGF လက်နက်ကိုင်အဖွဲ့များကိုလည်း စစ်ရေးရန်သူအဖြစ် သတ်မှတ်ကြောင်း အသိပေးထားသည်။

အာဏာသိမ်းစစ်ကောင်စီက ၎င်းတို့အာဏာတည်မြဲရေးအတွက် အယောင်ပြပြုလုပ်ရန်စီစဉ်နေသည့် ရွေးကောက်ပွဲအား တော်လှန်ရေးရဲဘော် များနှင့် တော်လှန်ရေးအင်အားစုများက အပြင်းအထန်ကန့်ကွက်ထားသည်။

ဆက်စပ်သတင်းများ

သတင်း

အာဏာသိမ်းစစ်တပ်လက်အောက်ခံ ရှမ်းနီတပ် SNA က တပ်သား ၁ဦး ကချင်လွတ်လပ်ရေးတပ်မတော်(KIA)ထံ အလင်းဝင်လာကြောင်း ကချင်စစ်ရေးသတင်းရင်းမြစ်က အတည်ပြုပါတယ်။

သတင်း

ကချင်ပြည်နယ်၊ ဗန်းမော်မြို့မှာ တိုက်ပွဲတွေ ဆက်လက်ဖြစ်ပွားနေကြောင်း ကချင်လွတ်လပ်ရေးတပ်မတော်(KIA) သတင်းပြန်ကြားရေးဌာနရဲ့ နိုဝင်ဘာ ၇ရက် သတင်းဖော်ပြချက်မှာ အသိပေးထားပါတယ်။

သတင်း

ကချင်ပြည်နယ်၊ ဗန်းမော်မြို့နယ် စစ်တပ်ရဲ့ အမှတ်(၂၁) စစ်ဆင်ရေးကွပ်ကဲမှုဌာနချုပ်-စကခ(၂၁)ရဲ့ အနောက်ဘက်ခြမ်းမှာရှိတဲ့ မိုးစိန်းကျွန်းကို သိမ်းပိုက်နိုင်ဖို့ ကချင်လွတ်လပ်ရေးတပ်မတော်(KIA) ပူးပေါင်းတပ်က ထိုးစစ်ဆင်တိုက်ခိုက်နေကြောင်း KIA သတင်းပြန်ကြားရေးဌာနရဲ့ အောက်တိုဘာ ၂၈ရက် သတင်းဖော်ပြပါတယ်။

သတင်း

ကချင်ပြည်နယ်၊ ဗန်းမော်မြို့မှာ ကချင်လွတ်လပ်ရေးတပ်မတော်(KIA)နဲ့ စစ်တပ်တို့တိုက်ပွဲ ဆက်လက်ပြင်းထန်နေပြီး စစ်တပ်က ခလရ(၄၇)တပ်ရင်းဘက်ကို အလုံးအရင်းနဲ့ ထိုးစစ်ဆင်နေသလို KIA ပူးပေါင်းတပ်ကလည်း အမှတ်(၂၁)စစ်ဆင်ရေးကွပ်ကဲမှုဌာနချုပ်-စကခ(၂၁) ကို တန်ပြန်ထိုးစစ်ဆင် တိုက်ခိုက်နေတယ်လို့ စစ်ရေးသတင်းရင်းမြစ်က ပြောပါတယ်။

Facebook