တောင်ငူခရိုင် ကျောက်ကြီးမြို့နယ်အတွင် စစ်ကောင်စီတပ်နှင့် ပဲခူးတိုင်းပြည်သူ့ကာကွယ်ရေးတပ် ဖွဲ့(BPDF- Yoma)နှင့် KNU/KNLA ပူးပေါင်းတပ်များ တိုက်ပွဲဖြစ်ပွားခဲ့ရာ စစ်ကောင်စီဘက်မှ ၃၀ ခန့်သေဆုံးကြောင်း BPDF-Yoma က ယနေ့ထုတ်ပြန်သည်။
“EO နှင့် တော်လှန်ရေးတပ်သားများ အထိအခိုက် ဒဏ်ရာ အကျအဆုံးမရှိခဲ့ပါ။ ကျောက်ကြီး စက်လဲရွာအနီးဝန်းကျင်နှင့် ကျောက်ကြီးချောင်းဘေးဝန်းကျင်များတွင် စစ်ခွေးဘက်မှ စုစုပေါင်း ၃၀ နီးပါးကျဆုံးကာ ထိခိုက်ဒဏ်ရာရသူများနေပါတယ်”ဟု ထုတ်ပြန်ချက်က ဆိုသည်။
တိုက်ပွဲဖြစ်ပွားချိန်မှာ ယမန်နေ့(စက်တင်ဘာ ၂၂)နံနက် ၁၁ နာရီခွဲမှ ညနေ ၆ နာရီခွဲအထိ ဆက်တိုက်ဖြစ်ပွားခဲ့ပြီး ယနေ့တွင်လည်း တိုက်ပွဲဆက်ဖြစ်နေကြောင်း ထုတ်ပြန်ချက်တွင် ဖော်ပြသည်။
စစ်ကောင်စီတပ်များဘက်မှ အင်အား ၂၀၀ ကို ၅၀ စီခွဲကာ တပ်ရင်းသုံးရင်းဖြင့် KNU တပ်မဟာ(၃)၏ ထိန်းချုပ်နယ်မြေအတွင်း စစ်ရေးလှုပ်ရှားနေခြင်းဖြစ် သည်။
Public Service Announcement
