KNU တပ်မဟာ ၅ နယ်မြေ မူတြော်ခရိုင်(ဖာပွန်) မှာ ပြီးခဲ့တဲ့ ၃ ရက်အတွင်း စစ်ကောင်စီတပ်ဖွဲ့ကို ရှောင်တခင်ဝင်တိုက်ခဲ့တယ်လို့ KNU ဘက်က စစ်ရေးသတင်းထုတ်ပြန်လာပါတယ်။
ဖာပွန်ဒေသမှာ အခြေချတဲ့ စစ်ကောင်စီတပ်ကို KNU တပ်မဟာ ၅ လက်အောက်ခံတပ်တွေက ဇွန်လ ၁ရက်ကစတင်ပြီး ၃ ရက်ကြာ တိုက်ခိုက်ခဲ့တာလို့သိရပါတယ်။
၃ ရက်တာ ဝင်ရောက်တိုက်ခိုက်မှုအတွင်း စစ်ကောင်စီဘက်က ၅ ဦးသေဆုံးပြီး ၁ ဦး ထိခိုက်ဒဏ်ရာရတယ်လို့ KNU ဘက်က ဆိုပါတယ်။ စစ်ကောင်စီဘက်ကတော့အကျအဆုံးကို ထုတ်ပြန်လေ့မရှိဘဲ လျှိုဝှက်ထားပါတယ်။
KNU တပ်မဟာ ၅ နယ်မြေဟာ စစ်ကောင်စီတပ်ဖွဲ့ဝင်တွေ ပြီးခဲ့တဲ့ ၂ နှစ်ကျော်အတွင်း အကျအဆုံးများ ခဲ့တဲ့ ဒေသဖြစ်ပါတယ်။
Public Service Announcement
KNU ရဲ့ စာရင်းအရအာဏာသိမ်းပြီး ၂ နှစ်တာအတွင်း တပ်မဟာ ၅ နယ်မြေမှာ တိုက်ပွဲအကြိမ်ရေ ၅ ထောင်ကျော်ဖြစ်ပွားခဲ့တယ်လို့သိရပါတယ်။
