Connect with us

Hi, what are you looking for?

News

စစ်ကောင်စီတပ်က ရွှေဘိုတွင် ဆိုင်ကယ်များကိုတင်းကျပ်စွာစစ်ဆေး၍ သိမ်းဆည်းနေ

“သိမ်းသွားတဲ့ဆိုင်ကယ်တွေ မနည်းဘူး။ ကား၃စီးနဲ့ သယ်သွားတာတွေ့လိုက်တယ်။တချို့ဆို ဆိုင်ကယ်အသိမ်းခံရလို့ ငိုယိုပြီးပြန်သွားကြတယ်”ဟု ရွှေဘိုမြို့ခံတစ်ဦးက ပြောသည်။

စစ်ကိုင်းတိုင်း၊ရွှေဘိုမြို့တွင် အကြမ်းဖက်စစ်ကောင်စီတပ်များသည် မြို့အဝင်၌ ဆိုင်ကယ်များအား တင်းကျပ်စွာစစ်ဆေးကာ အဓမ္မသိမ်းဆည်းမှုများပြုလုပ်နေကြောင်း ဒေသခံများက ပြောသည်။

ရွှေဘိုသို့ မန္တလေးဘက်မှအဝင်နှင့် ရွှေဘို-မြစ်ကြီးနားလမ်းဆုံအနီး ရွှေဘိုတက္ကသိုလ်ရှေ့ ဂိတ်များတွင် စစ်ကောင်စီတပ်များသည် ပြည်သူများစီးနင်းလာသော ဆိုင်ကယ်များအား ယာဥ်လိုင်စင်နှင့် ယာဥ်မောင်းလိုင်စင်ပါ ၊မပါ စစ်ဆေးပြီး လိုင်စင်မပါခြင်းနှင့် စက်တင်ဘာ၃၀ အထိ့လိုင်စင်သက်တမ်းကျော်နေပါက ဆိုင်ကယ်ကိုသိမ်းဆည်းနေကြောင်း ရွှေဘိုဒေသခံများက ပြောသည်။

ထို့အပြင်မြို့အထွက်ရှိ ဓါတ်ဆီဆိုင်တွင် ဆီစျေးလျှော့ ပေး၍ ဆိုင်ကယ်များဖြင့် အများအပြားလာဝယ်ကြရာ အဆိုပါဆိုင်ကယ်များလည်း ဖမ်းဆီးခံခဲ့ရကြောင်း ဒေသခံများက ပြောသည်။

“သိမ်းသွားတဲ့ဆိုင်ကယ်တွေ မနည်းဘူး။ ကား၃စီးနဲ့ သယ်သွားတာတွေ့လိုက်တယ်။တချို့ဆို ဆိုင်ကယ်အသိမ်းခံရလို့ ငိုယိုပြီးပြန်သွားကြတယ်”ဟု ရွှေဘိုမြို့ခံတစ်ဦးက ပြောသည်။

Public Service Announcement

Public Service Announcement

ဆိုင်ကယ်သမားတင်မက ကားသမားများကိုပါ လိုင်စင်စစ်ခြင်း၊ နယ်ကျော်ထောက်ခံစာပါ ၊မပါကိုပါ စစ်ဆေးနေပြီး အထောက်အထားပြည့်စုံသော်လည်း ငွေတောင်းခြင်း၊ သိမ်းဆည်းသွားသည့်ဆိုင်ကယ်များအား ငွေဖြင့်လာရွေးခိုင်းခြင်းစသဖြင့်ပြုလုပ်နေကြောင်းကိုယ်တိုင်
ကြုံတွေ့ခဲ့သူများက ပြောသည်။

စစ်ကောင်စီသည် ယာဥ်လိုင်စင်ကိစ္စများအားစက်တင် ဘာလဆန်းမှစတင်ကာ လုပ်ငန်းပြန်လည်စတင်နေပြီး အဆိုပါလုပ်ငန်းများသည် စစ်ကောင်စီအတွက် ဝင်ငွေရလမ်းများ ဖြစ်နေ၍ ကညနရုံးများသို့ လိုင်စင်ကိစ္စများ သွားရောက်ဆောင်ရွက်ခြင်းမပြုရန် ပြည်သူ့ကာကွယ်ရေးတပ်များက တားမြစ်ထားသည်။

ဆက်စပ်သတင်းများ

သတင်း

စစ်ကိုင်းတိုင်း၊ ရွှေဘိုခရိုင်မှာ အယ်နီညိုကြောင့် ရာသီဥ​​တု အပြောင်းအလဲ မြန်ဆန်နေတာကြောင့် စစ်ရှောင်ပြည်သူအချို့ ကျန်းမာရေးထိခိုက်မှုတွေရှိနေကြောင်း ဒေသခံတွေက ပြောပါတယ်။

ဆောင်းပါး

ဂေဇက်ရ ဘုရားပွဲတော်တွေအကြောင်း ပြောကြပြီဆိုရင် အညာမြေ စစ်ကိုင်းတိုင်းက ရွေဘိုမြို့ထောင့်စေတီပွဲက ချန်ထားလို့ မရပါဘူး။ နှစ်စဥ် တော်သလင်းလပြည့်ကျော် ၇ ရက်နေ့ကနေ သီတင်းကျွတ်လဆန်း ၁ ရက်နေ့အထိ ၁၀ ရက်တိုင်တိုင် ကျင်းပလေ့ရှိတယ်။ ၁ဝ ရက်ဆိုပေမယ့် ပွဲတော်မစခင်ကတည်းက ဆိုင်ခန်းတွေ ရောက်နေခင်းနေကြပြီမို့ လချီကျင်းပတဲ့ပွဲတော်ဆိုလည်း...

သတင်း

အာဏာသိမ်းစစ်တပ် ဗုံးပတ်ကြဲနေတဲ့ စစ်ကိုင်းတိုင်း၊ ရွှေဘိုမြို့မှာ မနေ့ညက အင်အားအနည်းငယ်ရှိတဲ့ မြေငလျင်တစ်ခု လှုပ်ခတ်သွားခဲ့ပါတယ်။

သတင်း

စစ်ကိုင်းတိုင်း ရွှေဘိုနဲ့ ဆားလင်းကြီးမြို့နယ်တို့မှာ တော်လှန်သပိတ်အင်အားစုတွေ၊ ဒေသခံပြည်သူတွေက မြန်မာနိုင်ငံရဲ့ ကုလသမဂ္ဂဆိုင်ရာ အမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်း ကုလသမဂ္ဂမှာ ဆက်လက်တာဝန်ထမ်းဆောင်နိုင်ရေးအတွက် လှုပ်ရှားမှုတွေကို ဒီကနေ့ (အောက်တိုဘာ ၁၂) ပြုလုပ်ခဲ့ပါတယ်။