မကွေးနှင့် စစ်ကိုင်းတိုင်းတို့၌ ယနေ့(အောက်တိုဘာ ၄ ရက်)တွင် ၎င်းတို့၏တိုက်ခိုက်မှုကြောင့် အာဏာ သိမ်းစစ်ကောင်စီတပ်သား ၂၀ဦးသေဆုံးပြီး ၃၅ ဦးဒဏ်ရာရရှိခဲ့သည်ဟု ပြည်သူ့တော်လှန်ရေး တပ်မ တော်(PRA)က ထုတ်ပြန်သည်။
မကွေးတိုင်း ယောမြို့ဘက်မှ ဆင်းလာသော စစ်ကောင်စီတပ်သား ၆၀ ဝန်းကျင်ခန့်ကို (နလန်တောင်) တွင် မိုင်းဆွဲပြီးအပြန်အလှန်ပစ်ခတ်ကြရာ စစ်ကောင်စီတပ်သား ၁၃ဦးသေဆုံးပြီး ၂၀ခန့် ဒဏ်ရာရခဲ့သည်ဟု ဆိုသည်။
ထို့အပြင် စစ်ကိုင်းတိုင်း ပုလဲမြို့နယ် ကျောက်စလင်းတောင်တွင်လည်း မိုင်းဆွဲအပြန်လှန်ပစ်ခက်ကြရာမှ စစ်ကောင်စီတပ်သား ငါးဦးသေဆုံးပြီး၁၂ ဦးထိခိုက်မှုရှိခဲ့ကြောင်း PRA က ပြောသည်။
ထို့အတူ ပုလဲမြို့နယ် ကန့်ဒေါင့်ရွာ အနောက်ဖက် ပိတောက်ကုန်းလမ်းခွဲတွင် စစ်ကောင်စီ၏ ယာဥ်တန်းကို မိုင်းဆွဲတိုက်ခိုက်ကြရာ စစ်ကောင်စီတပ်သား နှစ်ဦးသေဆုံးပြီး သုံးဦးဒဏ်ရာရရှိခဲ့သည့်အပြင် စစ်ကားတစ်စီးပျက်စီးခဲ့သည်ဟု ဆိုသည်။
Public Service Announcement
PRA၏ ထုတ်ပြန်ချက်အရ အောက်တိုဘာ ၃ ရက်တွင်စစ်မျက်နှာပြင် စတင်ဖွင့်ကြောင်း ကြေညာပြီးနောက် တိုက်ပွဲများဖြစ်ပွားရာ စစ်ကောင်စီတပ်သား ၆၁ ဦး သေဆုံးခဲ့ကြောင်း ၎င်းတို့၏ လူမှုကွန်ရက်မှတစ်ဆင့် အသိပေးထားသည်။
