မြန်မာ – ထိုင်းနယ် ကန်ချနဘူရီခရိုင် စံခရဘူရီမြို့နယ်ထဲမှာ တရားမဝင် ဝင်ရောက်လာတဲ့ ရွှေ့ပြောင်းမြန်မာအလုပ်သမားတွေကို မနေ့က ဖမ်းဆီးရမိခဲ့တယ်လို့ ထိုင်းစစ်တပ်မီဒီယာက သတင်းထုတ်ပြန်ချက်အရ သိရပါတယ်။
အောက်တိုဘာ ၃ ရက်နေ့ မွန်းလွဲ ၁ နာရီခွဲအချိန်က မြန်မာ ထိုင်းနယ်စပ်ကနေတစ်ဆင့် ထိုင်းနိုင်ငံ စခံရဘူရီမြို့နယ်ထဲကိုတရားမဝင်ဝင်ရောက်လာတဲ့ ရွှေ့ပြောင်းမြန်မာအလုပ်သမား ၂၀ ကို ထိုင်းလုံခြုံရေးတပ်ဖွဲ့က ဖမ်းဆီးရမိခဲ့တာဖြစ်ပါတယ်။
အမျိုးသား ၁၂ ဦးနဲ့ အမျိုးသမီး ၈ ဦးပါတဲ့ အဲ့ဒီရွှေ့ပြောင်းအလုပ်သမားတွေဟာ ဘန်ကောက်မှာ အလုပ်သွားလုပ်ဖို့အတွက်ဖြစ်ပြီး အခုလို နယ်စပ်ကိုဝင်ရောက်လာတဲ့အချိန်မှာ ထိုင်းလုံခြုံရေးတပ်ဖွဲ့က ဖမ်းဆီခံခဲ့ရတာပါ။
အဲ့ဒီ ရွှေ့ပြောင်းမြန်မာအလုပ်သမားတွေကိုတော့ စခံရဘူရီမြို့နယ်ရဲစခန်းကို ပို့ဆောင်ခဲ့ပြီး ကိုဗစ်ရောဂါရှိမရှိ စစ်ဆေးရာမှာ ရောဂါမတွေ့ရှိဘူးလို့ နယ်မြေခံထိုင်းစစ်တပ် မီဒီယာ (Army PR Center) ရဲ့ ထုတ်ပြန်ချက်အရ သိရပါတယ်။
Public Service Announcement
