ထားဝယ်၊​ လောင်းလုံနှင့် သရက်​ချောင်းမြို့နယ်ရှိ အ​မေရိကန်နိုင်ငံသားများ အမြန်ဆုံးထွက်ခွာရန် သံရုံးသတိ​ပေး

တနသ်ာရီတိုင်းရှိ ထားဝယ်၊ လောင်းလုံနှင့် သရက်ချောင်းမြို့နယ်​များတွင်နေထိုင်​သော အမေရိကန်နိုင်ငံသားများ အမြန်ဆုံးထွက်ခွာရန် အမေရိကန်သံရုံးက ယနေ့(​အောက်တိုဘာ ၁၄)တွင် သတိပေးထုတ်ပြန်သည်။

စစ်ကောင်စီက နိုင်ငံခြားသားများကို ထားဝယ်၊သရက်ချောင်းနှင့် လောင်းလုံမြို့နယ်တို့မှ ချက်ချင်းထွက်ခွာရမည်ဟု အကြောင်းကြားလာခြင်းကြောင့်ဖြစ်သည်ဟု ထုတ်ပြန်ချက်တွင် ဖော်ပြသည်။

ထို့အပြင် စစ်ကောင်စီက နိုင်ငံခြားသားများအတွက် လုံခြုံရေးအာမခံမပေးနိုင်ခြင်းကြောင့် အမြန်ထွက်သွားရန်လိုအပ်သည်ဟု အကြောင်းကြားစာတွင် ပါရှိကြောင်း သံရုံးကဆိုသည်။

အမေရိကန်သံရုံးက ၎င်းတို့နိုင်ငံသားများကို ထိုမြို့နယ် သုံးခုသို့မသွားရန်နှင့် တနင်္သာရီတိုင်းဒေသကြီးအတွင်း လုံခြုံရေးဂရုပြု သွားလာနေထိုင်ကြရန် အကြံပေးသည်။

Public Service Announcement

အမေရိကန်အစိုးရက ၎င်း၏နိုင်ငံသားများအနေဖြင့် မြန်မာနိုင်ငံအတွင်း ခရီးမသွားရန်နှင့် နိုင်ငံတွင်းမှ အမြန်ဆုံးထွက်ခွာရန် အကြံပေးချက်ထုတ်ပြန်ထားဖူးသည်။