မြင်းခြံ-နွားထိုးကြီး-ပြင်စည်လမ်းပိုင်း ယနေ့ည ယာယီပိတ်

အင်ကြင်း/People’s Spring

မန္တလေးတိုင်း၊ မြင်းခြံ-နွားထိုးကြီး-ပြင်စည်လမ်းပိုင်းအား ယနေ့ညပိုင်းမှစတင်ကာ ယာယီပိတ်ထားကြောင်း ဒေသတွင်းပြည်သူ့ကာကွယ်ရေးအဖွဲ့များက ပြောသည်။

ယနေ့ (ဇူလိုင် ၂၂ ရက်) ည ၇ နာရီခွဲမှ (မနက်ဖြန် ဇူလိုင် ၂၃ရက်) နံနက် ၆နာရီအတွင်း
မြင်းခြံ- နွားထိုးကြီး-ပြင်စည်လမ်းပိုင်းအား
ယာဉ်များအားလုံး ဖြတ်သန်းသွားလာခွင့်ပိတ်ထားကြောင်း မြင်းခြံပကဖ၏ တာဝန်ရှိသူက ပြောသည်။

Public Service Announcement

“ပြည်သူတွေရဲ့ လုံခြုံရေးအတွက်ပါ။”ဟု မြင်းခြံပကဖ၏ တာဝန်ရှိသူက ပြောသည်။

ပြည်သူများအားလုံး ပူးပေါင်းဆောင်ရွတ်ပေးကြရန်နှင့် လိုက်နာမှုမရှိပါက တာဝန်ယူဖြေရှင်း ပေးမည်မဟုတ်ကြောင်း ဒေသကာကွယ်ရေးအဖွဲ့များက အသိပေးထားသည်။

ယမန်နေ့က နွားထိုးကြီးမြို့နယ်အတွင်းရှိ ရန်ကုန်-မန္တလေးအမြန်လမ်းပိုင်းတနေရာ၌ စစ်ကောင်စီယာဥ်တစ်စီး မိုင်းဆွဲတိုက်ခိုက်ခံခဲ့ရသေးသည်။