အင်ကြင်း/People’s Apring
မန္တလေးတိုင်း၊ တောင်သာမြို့နယ်ရှိ ကျေးရွာနှစ်ရွာတွင် ဒေသခံပြည်သူများ တိမ်းရှောင်နေရချိန် နေအိမ်များ ဖောက်ထွင်းခံရကြောင်း ဒေသခံများက ပြောသည်။
တောင်သာမြို့နယ် အရှေ့ခြမ်းရှိ ဇရပ်ကြီးကျေးရွာကို စစ်ကောင်စီတပ်က ဇူလိုင် ၁၅ရက်မှ ၁၇ ရက်အထိ ၃ ရက်ဆက် မီးရှို့ဖျက်ဆီးခဲ့ရာ နေအိမ် ၃၀ကျော် ပြာကျခဲ့ပြီး ဒေသခံပြည်သူ များမှာ ထွက်ပြေးတိမ်းရှောင်နေရသည်။
Public Service Announcement
ကျေးရွာပြည်သူများထွက်ပြေးနေရချိန် နေအိမ်များအား ဖောက်ထွင်းခိုးယူမှုများရှိကြောင်း လူထုလှုပ်ရှားမှုကော်မတီ-တောင်သာ က ပြောသည်။
အလားတူ PDF များ လာတိုက်မည်စိုး၍ တိမ်းရှောင်နေသော ဝါးကြီးအိုင်ပျူစောထီးကျေးရွာမှ နေအိမ်များလည်း ဖောက်ထွင်းခံနေရသည်ဟု သိရသည်။
“ဝါးကြီးအိုင်ပျူရွာက နေအိမ်တွေလည်း အဖောက်ခံရတယ်။ အကုန်လုံးတော်တော်များများပါသွားတယ်။”ဟု ဒေသခံများက ပြောသည်။
ဖောက်ထွင်းသူများတွင် တောင်သာမြို့နယ်ရှိ ကျေးရွာတစ်ရွာမှ သံတိုသံစရောင်းဝယ်သူအချို့လည်းပါဝင်သည်ဟု လူထုလှုပ်ရှားမှုကော်မတီ-တောင်သာက ပြောသည်။
ဇူလိုင် ၁၅ ရက်မှ ၁၈ရက်အထိ တောင်သာမြို့နယ်၊ ဇရပ်ကြီးကျေးရွာအနီးတွင် တိုက်ပွဲဖြစ်ပွားပြီး စစ်အုပ်စုဝင်အများအပြား သေဆုံးကာ သေနတ်တစ်လက်သိမ်းဆည်းရမိခဲ့ကြောင်း ဒေသကာကွယ်ရေးအဖွဲ့များ သတင်းထုတ် ပြန်ထားသည်။
(ဖောက်ထွင်းခံရသည့် ဇရပ်ကြီးရွာ မီးရှို့ဖျက်ဆီးခံခဲ့ရစဥ်။ ဓာတ်ပုံ-လူထုလှုပ်ရှားမှုကော်မတီ-တောင်သာ)
