Connect with us

Hi, what are you looking for?

သတင်း

သိန္နီမြို့ကို စစ်ကောင်စီ လေကြောင်းတိုက်ခိုက်၊ အရပ်သားသုံးဦး ထပ်မံသေဆုံး

ရှမ်းပြည်နယ်မြောက်ပိုင်း သိန္နီမြို့အား ယနေ့ (ဇူလိုင် ၃၈ရက်)နံနက်တွင် စစ်ကောင်စီက လေကြောင်းမှ ထပ်မံဗုံးကြဲတိုက်ခိုက်ခဲ့ရာ နေအိမ်အတွင်းအိပ်နေသည့် မိသားစုဝင်သုံးဦး သေဆုံးခဲ့သည်။

စစ်ကောင်စီ ဗုံးကြဲမှုကြောင့် သိန္နီမြို့ရှိ နေအိမ် ပျက်စီးနေသည်ကို တွေ့ရစဉ်။ ဓာတ်ပုံ - CJ

မိထက်/People’s Spring

ရှမ်းပြည်နယ်မြောက်ပိုင်း သိန္နီမြို့အား ယနေ့ (ဇူလိုင် ၃၈ရက်)နံနက်တွင် စစ်ကောင်စီက လေကြောင်းမှ ထပ်မံဗုံးကြဲတိုက်ခိုက်ခဲ့ရာ နေအိမ်အတွင်းအိပ်နေသည့် မိသားစုဝင်သုံးဦး သေဆုံးခဲ့သည်။

ယနေ့နံနက် ၂နာရီခန့်တွင် သိန္နီမြို့ရပ်ကွက်(၄) အတွင်း စစ်ကောင်စီက ကြဲချခဲ့ခြင်းဟု ဒေသခံများက ပြောသည်။

Public Service Announcement

Public Service Announcement

” ပေါင် ၅၀၀ ဗုံးလို့ ပြောတယ်။ နှစ်လုံးတောင်ဗျ။ ကျ‌တဲ့နေရာမှာ မြေကျင်းကြီးဖြစ်သွားတယ်။

ရွှေသိန္နီကားဂိတ်အိမ် ဘေးကိုကျတာ”ဟု ဒေသခံတစ်ဦးက ပြောသည်။

ရွှေသိန္နီကားဂိတ်အိမ်တွင် မိသားစုဝင်ခုနစ်ဦးရှိပြီး ကလေးငယ်တစ်ဦးအပါအဝင် သုံးဦးသေဆုံးခဲ့သည်။ ကျန်သူအချို့လည်း ဒဏ်ရာရရှိခဲ့ပြီး အသေးစိတ်ကို မသိရသေးပေ။

၁၀၂၇စစ်ဆင်ရေး ဒုတိယပိုင်းအဖြစ် လားရှိုးမြို့ရှိ စစ်ကောင်စီစခန်းများကို ကိုးကန့်တပ် MNDAAက တိုက်ခိုက်နေစဉ် MNDAA ထိန်းချုပ်ထားသည့် လောက်ကိုင်နှင့် သိန္နီမြို့ကို စစ်ကောင်စီက လေကြောင်းမှဗုံးကြဲတိုက်ခိုက်နေသည်။

စစ်ကောင်စီသည် ဇူလိုင် ၁၁ရက်ကလည်း သိန္နီမြို့အထက်တန်းကျောင်းကို လေကြောင်းတိုက်ခိုက်ရာ ကျောင်းပြိုကျပျက်စီးသွားခဲ့သည်။

ဇူလိုင် ၁၈ရက်တွင် Y 12 လေယာဉ်ဖြင့် ဗုံးကြဲတိုက်ခိုက်ခဲ့ရာ ရှမ်းတိုင်းရင်းသားများ ဒီမီုကရေစီအဖွဲ့ချုပ်ပါတီ( SNLD)၏ သိန္နီမြို့နယ်၊တွဲဖက်အတွင်းရေးမှူး ဦးစိုင်းထွန်းကြည် အပါအဝင် ခုနစ်ဦးထက်မနည်း သေဆုံးခဲ့သည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

စစ်ကိုင်းတိုင်း၊ ကလေး၊ ဘုတလင်၊ ရွှေဘိုနဲ့ လက်ပံတောင်းတောင်ဒေသတွေမှာ တော်လှန်သပိတ်အင်အားစုတွေ၊ ဒေသခံပြည်သူတွေက ဘုံတိုဆီမီးသပိတ်လေကြောင်းတိုက်ခိုက်ခံရမှု (၁)နှစ်ပြည့် ဝမ်းနည်းခြင်းအဖြစ် သပိတ်လှုပ်ရှားမှုတွေကို ဒီကနေ့ (အောက်တိုဘာ ၂၅) ပြုလုပ်ခဲ့ပါတယ်။

သတင်း

ချင်းပြည်နယ်၊ ပလက်ဝမြို့နယ်၊ ဒိုင်ရ်ဒေသ အရပ်သားပြည်သူများအပေါ် ပစ်မှတ်ထားတဲ့ စစ်တပ်ရဲ့ လေကြောင်း တိုက်ခိုက်မှု လုပ်ရပ်အပေါ် ကန့်ကွက်ရှုတ်ချကြောင်း ချင်းအမျိုးသားတပ်ဦး(CNF)က သတင်းထုတ်ပြန်ပါတယ်။

သတင်း

စစ်ကိုင်းတိုင်း၊ ဘုတလင်မြို့နယ်၊ ကွမ်းခြံကျေးရွာမှာ အာဏာသိမ်း စစ်တပ်က ဒီ​နေ့ လေကြောင်းတိုက်ခိုက်လို့ ကလေး ၂ ဦးအပါအဝင် ဒေသခံ အမျိုးသမီး ၆ ဦး သေဆုံးပြီး အမျိုးသမီးတစ်ဦး သေဆုံးခဲ့ပါတယ်။

Facebook