ဟန်နွေ/People’s Spring
ကချင်ပြည်နယ် ဖားကန့်မြို့ ဆိုင်းတောင်ကျေးရွာ၌ ယနေ့နံနက်က တိုက်ပွဲဆက်ဖြစ်ပွားခဲ့ဟု ကချင်စစ်ရေးသတင်းရင်းမြစ်က ပြောသည်။
ဆိုင်းတောင်ရွာကို ကချင်လွတ်လပ်ရေးတပ်မတော်(KIA)နှင့် PDF ပူးပေါင်းတပ်က စက်တင်ဘာ ၇ရက်ကတည်းက စတင်တိုက်ခိုက်ခဲ့ရာ ဆိုင်းတောင် ရဲစခန်းအား သိမ်းထားနိုင်ပြီဖြစ်သော်လည်း လက်ကျန်စစ်ကောာင်စီတပ်များနှင့် ရက်ရှည်တိုက်ပွဲဖြစ်ပွားနေခြင်း ဖြစ်သည်။
Public Service Announcement
” ဒီမနက်ဆိုင်းတောင်မှာတော့ တိုက်ပွဲ ဖြစ်တယ်။ ဒီနေ့ ဖားကန့်ဗျူဟာစခန်းကို ပစ်တာမရှိဘူး”ဟု စစ်ရေးသတင်းရင်းမြစ်က ပြောသည်။
KIAနှင့် PDF ပူးပေါင်းတပ်သည် ဖားကန့်မြို့နယ်အတွင်းရှိ စစ်ကောင်စီတပ်စခန်းအများအပြားကို သိမ်းပိုက်ထားပြီး ဖားကန့်ဗျူဟာစခန်းကို ယမန်နေ့တွင် စတင်၍ လက်နက်ကြီးများဖြင့်ပစ်ခတ်တိုက်ခိုက်ခဲ့သည်။
ဖားကန့်တိုက်ပွဲ စစ်ရှိန်မြင့်လာ၍ မြို့ခံများမှာ စစ်ဘေးတိမ်းရှောင်နေကြရသည်ဟုလည်း စစ်ရေးသတင်းရင်းမြစ်က ပြောသည်။
