မတ္တရာအ​​ရှေ့ခြမ်းမှ တိုက်ပွဲ​ခေါ်သံ

ရှိန်း/People’s Spring

အထက်မြန်မာနိုင်ငံရဲ့မြို့​တော် မန္တ​လေးမြို့ နဲ့ မိုင်ဆယ်ဂဏန်းသာ​​ဝေးတဲ့ မတ္တရာမြို့နယ်ရဲ့ အရှေ့ဘက်ခြမ်းက စစ်တပ် တပ်စွဲရာ​နေရာ​​တွေကို ပြည်သူ့ကာကွယ်​ရေးတပ်မ​တော် -မန္တ​လေး( MDY PDF) ဦးဆောင်တဲ့တော်လှန်ရေးတပ်တွေက ၁၀၂၇ဒုတိယလှိုင်း လို့​ခေါ်သလို ရှမ်းမန်းစစ်ဆင်​ရေးလို့အမည်​ပေးထားတဲ့စစ်ဆင်​ရေးအတွင်းမှာသိမ်းယူခဲ့ပါတယ်။

မတ္တရာအရှေ့ခြမ်းရဲ့ အရေးကြီးနေရာတွေဖြစ်တဲ့အင်ကြင်းမြိုင်လေကြောင်းရန်ကာကွယ်ရေးတပ်တွေ၊ Alphaဘိလပ်မြေစက်ရုံ၊ဖယောင်းတောင်ရွှေလုပ်ကွက် ၊ ဆယ်​တော်ကြီး စတဲ့ စစ်တပ်တပ်စွဲရာ​နေရာ ​ပေါင်း ၄၀ ​လောက်ကို မန္တ​လေးPDF က သိမ်းယူနိုင်ခဲ့ပါတယ်။ မန္တ​လေးPDF နဲ့အတူမတ္တရာမျိုးမှန်တပ်ဖွဲ့ နဲ့ SSTF တပ်ဖွဲ့​တွေကပူး​ပေါင်းထိုးစစ်ဆင်ခဲ့တာပါ။ စစ်​ကောင်စီတပ်ဖွဲ့ဝင် ရာချီ​သေဆုံးသလို ​လေယာဥ်ပစ်လက်နက်​တွေအပါအဝင် လက်နက်မျိုးစုံရာနဲ့ချီပြီး မန္တ​လေးPDF ကသိမ်းဆည်းရရှိခဲ့ပါတယ် ။

(၁၀၁၄)လေကြောင်းရန်ကာကွယ်ရေး အင်ကြင်းမြိုင်တပ်စခန်းက ရာနဲ့ချီတဲ့ စစ်သား​တွေ ၊မိသားစုဝင်​တွေလက်နက်ချသလို ​လေ​ကြောင်းရန်ကာကွယ်​ရေးလက်နက်​တွေရခဲ့တာကမန္တ​လေးPDF အတွက်အကြီးမားဆုံး​အောင်ပွဲဖြစ်ခဲ့ပါတယ် ။ဒါအပြင် မတ္တရာစစ်ဆင်​ရေးမှာ စစ်သား​တွေ ၊ပျူ​စောထီး​တွေ ရာနဲ့ချီပြီး လက်နက်ချ အလင်းဝင်ခဲ့ပါတယ် ။

ဒီနေရာတွေဟာ မန္တလေးမြို့နဲ့နီးကပ်နေပြီး စစ်ရေးအရအ​ရေးပါတာမို့ စစ်တပ်အထိုင်ချတပ်စွဲခဲ့တဲ့နေရာတွေဖြစ်ပါတယ်။ စစ်တပ်အတွက် မတ္တရာမြို့ပေါ်နဲ့ ထီးတော်မိုး(စစ်သားစုဆောင်းရေးတပ်)တို့လောက်သာ စစ်တပ်ကနယ်မြေထိန်းချုပ်ထားနိုင်ခဲ့တဲ့အ​ခြေအ​နေဖြစ်တယ်။ ၁၀၂၇ ဒုတိယလှိုင်းစစ်ရှိန်ပြင်းထန်လွန်းတာ​ကြောင့် မန္တ​လေးမြို့အသိမ်းခံရမှာစိုးပြီး စစ်​ကောင်စီရဲ့အလယ်ပိုင်းတိုင်းစစ်ဌာနချုပ်(လပခ)ဟာ မန္တ​လေးမြို့ခံစစ်ကို ဦးစား​ပေးပြီးအသည်းအသန်ပြင်ဆင်ခဲ့ရတဲ့ ကာလ​တွေဖြစ်ပါတယ်။

စစ်တပ်အာဏာသိမ်းပြီး​နောက်ပိုင်း ကနေ ၁၀၂၇ဒုတိယလှိုင်းမစခင်အထိ စစ်တပ်အထိုင်ချ ဂိတ်ဖွင့်ထားတဲ့အရေးကြီးစခန်းဖြစ်တဲ့ကျောက်တံတားကျေးရွာကိုတောင် တော်လှန်ရေးတပ်တွေလက်ထဲမကျအောင် စစ်တပ်က အသဲအသန် ခုခံခဲ့ရတဲ့အ​ခြေအ​နေဖြစ်ပါတယ်။

မန္တ​လေး PDF ရဲ့ထိုးစစ်​တွေက မတ္တရာမှာ ရပ်တန့်သွားပြီး သပိတ်ကျင်းမြို့နယ်ဘက်ကို ဦးစား​ပေးတိုက်ခိုက်လာတဲ့​နောက်ပိုင်းမှာ စစ်တပ်ကလည်းမတ္တရာမြို့နယ်မှာစစ်တပ်ကိုပြန်လည်စုဖွဲပြင်ဆင်လာခဲ့ပါတယ်။

စက်တင်ဘာလအတွင်းမှာ စစ်​ကောင်စီတပ်ကဗိုလ်ကြီးတွေ တပ်ခွဲမှူးသင်တန်းဆင်းခဲ့ပါတယ်။အဲဒီတပ်ခွဲမှူးတွေကြီးကြပ်ပြီးတော့ မန္တလေးနယ်ခံပျူစောထီးတွေ၊ စစ်မှုမထမ်းမ​နေရဥပ​ဒေနဲ့ စု​ဆောင်းထားတဲ့ စစ်သင်တန်းအပတ်စဥ် ၂ နဲ့ ၃ က သင်တန်းဆင်းစစ်သားသစ်​တွေနဲ့ စုပေါင်းပြီး စစ်တပ်ကမတ္တရာမြို့နယ်မှာအင်အားတိုးခဲ့တယ်လို့စုံစမ်းသိရပါတယ်။

စစ်တပ်က အရာရှိတဦးရဲ့ပြောကြားချက်အရ အယ်ဖာဘိလပ်မြေစက်ရုံနဲ့ဖယောင်းတောင် သတ္တုတူးဖော်ရေးလုပ်ငန်းတွေကို PDFတွေက ​လပိုင်းအတွင်းလုပ်ငန်းစ​တော့မယ့်သတင်းကြောင့် ဒီနေရာတွေကို ပြန်သိမ်းနိုင်ဖို့ စစ်တပ်က ကြံစည်လာတာလို့သိရပါတယ်။

“ဒီလုပ်ငန်းတွေ(​ရွှေတူး​ဖော်​ရေး) လည်ပတ်ရင် အဲဒီကငွေနဲ့ လက်နက်ဝယ်ဖို့အထောက်အပံ့ဖြစ်လာလိမ့်မယ်”လို့စစ်တပ်က အရာရှိတစ်ဦးကစစ်​ကောင်စီရဲ့ ပူပန်မှုကိုပြောပါတယ်။

ဒါအပြင် မတ္တရာအရှေ့ဘက်ခြမ်းကို စစ်တပ်က ဒရုန်းကျွမ်းကျင်သူတွေပါစေလွှတ်ပြီး နယ်မြေ​တွေပြန်သိမ်းနိုင်ဖို့ကြိုးစားနေတယ်လို့စုံစမ်းသိရပါတယ်။

အောက်တိုဘာလပထမပတ်မှာ​တော့ ထန်းပင်ကုန်းရွာကို စစ်တပ်စစ်ကြောင်းထိုးပါသေးတယ်။စစ်​ကြောင်းထိုးပြီး ရွာအတွင်းဝင်ရောက်နိုင်ခဲ့​ပေမယ့် ၂၄နာရီမပြည့်ခင်မှာပဲPDF​တွေကပြန်လည်တိုက်ခိုက်ပြီးထန်းပင်ကုန်းရွာကိုထိန်းချုပ်နိုင်ခဲ့ပါတယ်။

စစ်တပ်ကမတ္တရာမြို့ အ​ရှေ့ခြမ်းကို တိုက်မယ်ဟန်ပြပြီး တကယ်ထိုးစစ်ဆင်တိုက်ခိုက်တာက မတ္တရာမြို့နယ် အ​နောက်ဘက်ခြမ်းဖြစ်ပါတယ်။

စက်တင်ဘာ ၂၇ ရက်မှာမတ္တရာမြို့နယ်အနောက်ခြမ်းက ဧရာဝတီမြစ်ကမ်းဘေးကျေးရွာဖြစ်တဲ့သုံးဆယ်ပေးရွာကို စစ်တပ်ကစစ်ကြောင်းထိုးခဲ့ပါတယ်။သုံးဆယ်​ပေရွာဟာ မန္တလေးမြို့၊ပုသိမ်ကြီးမြို့နယ်နဲ့ဆက်လျက်ဖြစ်ပြီး ရေကြောင်းလမ်းကိုထိန်းချုပ်နိုင်ဖို့အတွက်အရေးပါတဲ့နေရာဖြစ်ပါတယ်။

သုံးဆယ်​ပေရွာပြီး​တော့ ဆက်တိုက်ဆိုသလိုပဲ မတ္တရာအနောက်ခြမ်းကငယ်တိုး၊သဖန်းထောင့်၊သေနတ်ကုန်း၊ညောင်ကုန်း၊ရွှေချောင်း၊ပေါက်ဝဲစတဲ့ကျေးရွာတွေစစ်အုပ်စုကစစ်​​ကြောင်းထိုးပြီး စစ်တပ်ကအထိုင်ချတပ်စွဲခဲ့ပါတယ်။အဲဒီရွာတွေကနေ မန္တလေးကို ကာထားတဲ့ကျေးရွာတွေဖြစ်သလို စစ်ကြောင်းထိုးမယ်ဆိုရင် မတ္တရာမြို့အနီးကကျေးရွာတွေအထိ အလွယ်တကူသွားလာနိုင်ပါတယ် ။အဲဒီရွာ​တွေနဲ့ မတ္တရာမြို့ကြားမှာ စစ်တပ်လက်​အောက်ခံပျူ​စောထီး​တွေမျာတဲ့ ရွှေချောင်းရွာလည်းရှိတာမို့ တယ်။

ဒီရွာတွေကို စစ်တပ်အထိုင်ချပြီးတဲ့နောက် ​တော်လှန်​ရေးအင်အားစု​တွေကို ပထမဆုံးတိုက်ခိုက်မှုအဖြစ်နိုဝင်ဘာလပထမပတ်ထဲမှာ မတ္တရာမြို့ရဲ့အနောက်ဘက်က ဝေါ၊ဝန်စု၊ရွာသစ်၊မြွေထိန်ပင်၊ထိန်ပင်စောက်ကျေးရွာတို့ကို ပြန်လည်တိုက်ခိုက်ခဲ့ပါတယ် ။ အဲဒီရွာ​တွေမှာ ​ဒေသခံ ကာကွယ်​ရေးတပ် (LPDF)​တွေ ၊ ပကဖ ​တွေ ပဲရှိတာ​ကြောင့်စစ်တပ်ရဲ့ တန်ပြန်ထိုးစစ်ကို ​တောင့်မခံနိုင်ပဲ စခန်း​တွေအသိမ်းခံခဲ့ရပါတယ်။

နိုဝင်ဘာလ တတိယပါတ်မှာဧရာဝတီ မြစ်ကမ်းအနီးက ဥဒိန်ရွာကို စစ်​ကောင်စီတပ်ကပြန်သိမ်းယူနိုင်ခဲ့ပါတယ်။ ဥဒိန်ရွာကိုစစ်တပ်ကဝင်တိုက်ချိန် ငယ်တိုးရွာကို တပ်စွဲထားတဲ့စစ်တပ်ကိုတော်လှန်ရေးတပ်တွေကနိုဝင်ဘာလ၁၈ရက်နေ့ကအလစ်ငိုက်ဝင်တိုက်ခဲ့တာမှာ စစ်ကောင်စီတပ်ဘက်ကအကျဆုံးများခဲ့ပါတယ်။

စစ်ကောင်စီဘက်က ရေကြောင်းကနေ တိုက်ခိုက်ရေးယာဥ်တွေသုံးပြီး အင်အားထပ်တိုးခဲ့သလို Mi-35တစီး၊ဂျက်ဖိုက်တာနှစ်စီးနဲ့ စိန်ပန်းကုန်းကျေးရွာအနီးကိုလေကြောင်းတိုက်ခိုက်မှုတွေအပြင်းအထန်ပြုလုပ်ခဲ့ပါတယ်။

အဲဒီနောက်မှာ မတ္တရာမြို့နယ်အနောက်ခြမ်းကို စစ်တပ်က ပြန်သိမ်းယူခဲ့ပြီး တော်လှန်ရေးတပ်တွေ ​နောက်ဆုတ်လိုက်ရပါတယ်။ စစ်တပ်က မတ္တရာမြို့နယ် အနောက်ခြမ်းက ဥဒိန်၊စိန်ပန်းကုန်း၊ဇလ၊အောက်တောင်ကိုင်း၊သဖန်းထောင့်၊ငယ်တိုး၊သုံးဆယ်ပေးစတဲ့ရွာတွေကိုက အထိုင်ချတပ်စွဲထားပါတယ်။

“အနောက်ခြမ်းက ရွာတိုင်းနီးနီးထိုင်ထားတာ။အင်အားကတော့ ဆယ်ဂဏန်းတွေပဲရှိတယ်။ဒါပေမယ့် ရွာကပ်လျက်တွေအထိုင်ချထားတာ”လို့ပြင်ဦးလွင်ခရိုင်ပကဖသတင်းတာဝန်ခံကလူထု​နွေဦးကိုပြောပါတယ်။

မတ္တရာအနောက်ခြမ်းကိုစစ်တပ်အထိုင်ချပြီးတဲ့နောက် ဒေသခံတွေရဲ့အိမ်တွေကနေ ပစ္စည်းတွေကိုခိုးယူပြီး မတ္တရာမြို့ထဲကိုပြန်ပို့နေတယ်လို့ဒေသခံတွေကပြောပါတယ်။

မတ္တရာအနောက်ခြမ်းကို ထိန်းချုပ်နိုင်ခဲ့တဲ့စစ်တပ်ဟာ PDF ​တွေထဲမှာ တိုက်စွမ်းရည် အပြည့်ဝဆုံးတပ်​တွေထဲက တစ်ခုဖြစ်တဲ့ ပြည်သူ့ကာကွယ်​ရေးတပ်မ​တော်မန္တ​လေး ထိန်းချုပ်ထားတဲ့မတ္တရာမြို့နယ်အရှေ့ခြမ်း ကို ပြန်ထိုးစစ်ဆင်ဖို့ ပြင်ဆင်လာပါတယ် ။

မန္တ​လေးPDF ဟာ စဥ့်ကူးမြို့နယ်တစ်ခုလုံးကိုသိမ်းပိုက်ထိန်းချုပ်ထားသလို ၊ TNLA အပါအဝင်အခြား​တော်လှန်​ရေးတပ်​တွေနဲ့ ပူး​ပေါင်းပြီး ​နောင်ချို ၊မိုးကုတ် မြို့​တွေ ၊ သပိတ်ကျင်းမြို့နယ်​ကစခန်းတွေကို သိမ်းပိုက်ထားတဲ့ ​နွေဦး​တော်လှန်​ရေးမှာ​ပေါ်လာတဲ့ လက်စွမ်းအထက်ဆုံး တပ်​တွေထဲကတပ် တစ်ခုဖြစ်ပါတယ် ။

ဒီဇင်ဘာလ၂ရက်​နေ့မှာ မြို့ကုန်းရွာမှာမန္တ​လေး PDF နဲ့ စစ်​ကောင်စီတပ် တိုက်ပွဲပြန်ဖြစ်ပွားခဲ့ပါတယ်။ ဒီဇင်ဘာလ၃ရက်နေ့မှာ တနေ့လုံးနီးပါးတိုက်ပွဲဖြစ်ခဲ့ပြီး ညနေပိုင်းမှာစစ်တပ်စစ်​ကြောင်းပြန်ဆုတ်​ပြေးခဲ့ရပါတယ် ။ မြို့ကုန်းရွာတိုက်ပွဲမှာစစ်တပ်ဘက်က ဗိုလ်ကြီး တစ်ဦးအပါအဝင်အလောင်း ၇ လောင်းကျန်ခဲ့ပါတယ် ။ဒါအပြင် စစ်သုံ့ပန်းတဦးဖမ်းမိခဲ့တယ်လို့ မန္တ​လေးPDF ကထုတ်ပြန်ပါတယ်။​​သေနတ် ၅ လက်နဲ့ ခဲယမ်း​တွေကိုလည်း မန္တလးPDF က သိမ်းဆည်းနိုင်ခဲ့ပါတယ်။

“ကျွန်တော်တို့ ပြည်သူ့ကာကွယ်ရေးတပ်မတော်(မန္တလေး)ဘက်မှာလည်း ထိခိုက်မှုအချို့ရှိပါတယ်။ စစ်ကြောင်းက မတ္တရာကထွက်လာတဲ့ အင်အား(၈ဝ)ပါ စစ်ကြောင်းဖြစ်ပါတယ်။မတ္တရာမြို့ဘက်ကို ပြန်ပြီးဆုတ်ခွာသွားပါတယ်။”လို့ မန္တလေး PDF၏ ပြောရေးဆိုခွင့်ရှိသူ ကိုအော်စမွန်က လူထု​နွေဦးကို ပြောခဲ့ပါတယ်။

စစ်တပ်က ပြီးခဲ့တဲ့ရက်ပိုင်းအတွင်းမှာပြည်သူ့စစ်သင်တန်းအပတ်စဥ်(၅)ဆင်းထားပြီး မတ္တရာနယ်အရှေ့ခြမ်းကို ထပ်မံထိုးစစ်ဆင်ဖို့ပြင်ဆင်နေတယ်လို့လည်း စုံစမ်းသိရပါတယ် ။ဒါ​ကြောင်း ဒီဇင်ဘာလဆန်းကစပြီး မတ္တရာမြို့နယ်အ​ရှေ့ခြမ်းမှာတိုက်ပွဲ​တွေ ပိုပြင်းထန်လာ​တော့မယ်လို့ ​ဒေသခံအချို့က​ပြောပါတယ် ။

“မတ္တရာအရှေ့ခြမ်းမှာ အခုထိ လက်နက်ကြီးသံတွေကြားနေရတယ်။ဒရုန်းနဲ့လည်းဗုံးတွေကျဲနေတယ်။အသံတွေကတအုန်းအုန်းပဲ ဘယ်ကပစ်နေမှန်းမသိဘူး”လို့ ​ဒေသခံစစ်​ဘေး​ရှောင်ပြည်သူတစ်ဦးက ဒီဇင်ဘာ ၆ ရက် မနက်ပိုင်းမှာ​ပြောပါတယ်။

စစ်​ကောင်စီတပ်အတွက် မတ္တရာမြို့နယ် အ​နောက်ခြမ်းကို သိမ်းပိုက်နိုင်သလို ၊အ​ရှေ့ခြမ်းကိုသိမ်းပိုက်နိုင်မလား ။ မန္တ​လေးPDF က ​အရင်တိုက်ပွဲ​တွေလိုပဲ စစ်တပ်ရဲ့ ထိုးစစ်​တွေကို ​ချေဖျက်ပြီး မတ္တရာမြို့ကိုပါ သိမ်းပိုက်ဖို့ တန်ပြန်ထိုးစစ် ဆင်လာနိုင်မလားဆိုတာ လာမယ့်ရက်ပိုင်း​တွေက အဆုံးအဖြတ်ဖြစ်လာနိုင်ပါတယ် ။ ​

​သေချာတာက​တော့ မန္တ​လေးမြို့အနီးက မတ္တရာမြို့နယ် အ​ရှေ့ပိုင်းမှာ ပြင်းထန်တဲ့တိုက်ပွဲ​တွေ ပြန်​ပေါ်​ပေါက်လာပြီဖြစ်ပါတယ်။ ။