Connect with us

Hi, what are you looking for?

LuduNwayOo

News

အာဆီယံ ကိုယ်စားလှယ်အဖွဲ့ စေလွှတ်ရေးကိစ္စ မြန်မာ စစ်ခေါင်းဆောင် မငြင်းဆန်ခဲ့ဘူးလို့ စင်ကာပူ ဝန်ကြီးချုပ်ပြော

မြန်မာ့အရေးမှာ ကြားဝင် စေ့စပ်ပေးဖို့ အာဆီယံ ကိုယ်စားလှယ်အဖွဲ့ စေလွှတ်ရေး အဆိုပြုချက်ကို မြန်မာ စစ်အာဏာသိမ်း ခေါင်းဆောင်က မဆန့်ကျင်ခဲ့ဘူးလို့ စင်ကာပူ ဝန်ကြီးချုပ် လီရှန်လွန်းက ပြောကြားသွားပါတယ်။

ဧပြီ ၂၄ ရက်က အာဆီယံ အစည်းအဝေးမှာ မြန်မာ့ နိုင်ငံရေး အကျပ်အတည်းကို ကူညီ ဖြေရှင်းဖို့ အဖွဲ့ဝင် နိုင်ငံတွေ ဆွေးနွေးခဲ့ကြပါတယ်။ ဒီအစည်းအဝေးမှာ စစ်တပ် အာဏာသိမ်း ခေါင်းဆောင် မင်းအောင်လှိုင်လည်း တက်ရောက်ခဲ့ပါတယ်။

စင်ကာပူ ဝန်ကြီးချုပ်က မြန်မာ့ နိုင်ငံရေးနဲ့ ပတ်သက်လို့ လိုလား မျှော်လင့်တဲ့ ရလဒ် ၆ ခုလောက်ကို မင်းအောင်လှိုင်ဆီ အသိပေး ပြောကြားခဲ့ပြီး အဲဒီထဲမှာ အာဆီယံ ကိုယ်စားလှယ် အဖွဲ့က မြန်မာနိုင်ငံကို သွားရောက်ဖို့ဆိုတဲ့ ကိစ္စလည်း ပါဝင်တယ်လို့ သိရပါတယ်။

တခြား တောင်းဆိုမှုတွေကတော့ လက်နက်မဲ့ ပြည်သူတွေအပေါ် ရက်ရက်စက်စက် အင်အားသုံး ဖြိုခွင်းတာတွေ ရပ်တန့်ဖို့။ နိုင်ငံရေး အကျဉ်းသား အားလုံး လွှတ်ပေးဖို့နဲ့ အာဆီယံ ဦးဆောင်တဲ့ လူသားချင်း စာနာမှု အထောက်အပံ့ လမ်းကြောင်းတွေ ဖွင့်လှစ်ပေးဖို့ အစရှိတာတွေ ပါဝင်ပါတယ်။

စင်ကာပူနဲ့ အာဆီယံရဲ့ လိုလားချက်တွေကို သူကြားသိကြောင်း၊ အဲဒီထဲကမှ အထောက်အကူ ဖြစ်စေမယ်လို့ ယူဆရတဲ့ အချက်တွေကို လက်ခံပါကြောင်း၊ အာဆီယံက အပြုသဘောဆန်တဲ့ အခန်းကဏ္ဍ တစ်ခုကနေ ပါဝင်နေတာရော၊ ဒါမှမဟုတ် အာဆီယံ ကိုယ်စားလှယ် အဖွဲ့ရဲ့ ခရီးစဉ်ကိုရော၊ လူသားချင်း စာနာမှုဆိုင်ရာ အထောက်အပံ့ ကိစ္စတွေကိုရော သူ့အနေနဲ့ မဆန့်ကျင်ကြောင်း၊ ပြီးတော့ အပြုသဘောဆောင်တဲ့ နည်းလမ်းတွေအတွက် အာဆီယံနဲ့လည်း ရှေ့ဆက် ညှိနှိုင်း ဆောင်ရွက်သွားမှာဖြစ်ကြောင်း မင်းအောင်လှိုင်ဖက်က တုံ့ပြန်ခဲ့တယ်လို့ လီက ဆွေးနွေးပွဲအပြီး သတင်းစာ ရှင်းလင်းပွဲမှာ ပြောကြားသွားပါတယ်။

အခုဆိုရင် အာဆီယံဟာ မြန်မာ့ နိုင်ငံရေး အဖွဲ့အစည်း အားလုံးနဲ့ ညှိနှိုင်း ဆွေးနွေးမယ့် ကိုယ်စားလှယ် အဖွဲ့ တစ်ခုကို ဖွဲ့စည်းနိုင်ဖို့ အာရုံစိုက် ဆောင်ရွက်သွားတော့မယ်လို့ ယူဆကြောင်းလည်း ဝန်ကြီးချုပ် လီက မှတ်ချက် ပေးခဲ့ပါတယ်။ ဒီအဖွဲ့မှာ စင်ကာပူ အစိုးရကို ကိုယ်စားပြုပြီး ဘယ်သူ သွားရောက်မလဲ ဆိုတာကို ဆုံးဖြတ်ဖို့တော့ စောလွန်းနေသေးတယ်လို့လည်း ဆိုပါတယ်။

ခြုံပြီး ပြောရရင်တော့ ဆွေးနွေးပွဲဟာ အပေါင်းလက္ခဏာ ဆောင်ခဲ့တယ်လို့ ဆိုနိုင်ပြီး နောက်ထပ် ခြေလှမ်းတွေအတွက် လမ်းညွှန်ပေးခဲ့ကြောင်း၊ အာဆီယံ အဖွဲ့ဝင်တွေ မတွေ့ဆုံဖြစ်ခဲ့ဘူးဆိုရင်၊ ဒါမှမဟုတ် ဒီကိစ္စအပေါ် အပြီးသတ် ဆောင်ရွက်မှုတစ်ခု အကောင်အထည် မဖော်နိုင်ခဲ့ဘူးဆိုရင် အခြေအနေတွေက အရမ်း ဆိုးရွားသွားနိုင်တယ်လို့လည်း လီက ပြောကြားသွားပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

အလှည့်ကျဥက္ကဌကမ္ဘောဒီးယားသည် မြန်မာနိုင်ငံမှ နိုင်ငံရေးနှင့်မသက်ဆိုင်သောကိုယ်စားလှယ်ကိုသာ တက်ရောက်ရန် ဖိတ်ကြားမည်ဟု ဆိုသည်။

သတင်း

အာဏာသိမ်းကြိုးပမ်းမှုနောက်ပိုင်း မြန်မာစစ်တပ်ထံ စစ်လက်နက်ပစ္စည်းတင်သွင်းနေတဲ့ ကုမ္ပဏီ (၃၁)ခုရှိနေတာကို JFM က ဖော်ထုတ်တွေ့ရှိခဲ့ပြီး EU အနေနဲ့ အဲဒီကုမ္ပဏီတွေကို မဖြစ်မနေဒဏ်ခတ် ပိတ်ဆို့မှုတွေ ချမှတ်ဖို့လိုအပ်တယ်လို့ ထောက်ပြပါတယ်။

သတင်း

အခုနှစ် ကုလသမဂ္ဂကိုယ်စားလှယ်အကဲဖြတ်ရေးကော်မတီက အဖွဲ့ဝင်နိုင်ငံတွေရဲ့ ကိုယ်စားပြုခွင့်ကို ပြန်လည်ဆုံးဖြတ်ပေးရဖို့ ရှိနေပြီး မြန်မာနိုင်ငံကိုယ်စားပြုခွင့်နဲ့ပတ်သက်လို့ ဘယ်လိုဆက်ဖြစ်မလဲဆိုတာစောင့်ကြည့်ရဦးမှာပါ။

သတင်း

ဒါ့အပြင် ထွန်းမင်းလတ်ဟာ Allure နဲ့ Star Sapphire Group ကနေတဆင့် သတ္တုတူးဖော်ရေး၊ စွမ်းအင်နဲ့ ခရီးသွားလုပ်ငန်းတွေမှာလည်း မြန်မာ့စစ်တပ်နဲ့ နက်နက်ရှိုင်းရှိုင်း ချိတ်ဆက်လုပ်ကိုင်နေသူဖြစ်တယ်လို့ ထောက်ပြပါတယ်။