မြန်မာ-ထိုင်း နယ်စပ်မှာရှိတဲ့ စစ်ကောင်စီတပ်စခန်းတစ်ခုကို KNU က ဒီမနက် တိုက်ခိုက်သိမ်းပိုက်ရာမှာ စစ်ကောင်စီတပ်ဖွဲ့ဝင် ၄၀ သေဆုံးခဲ့တယ်လို့ ထိုင်း PBS သတင်းဌာနက ဖော်ပြထားပါတယ်။
ဧပြီ ၂၇ ရက် မနက် ၄ နာရီခွဲလောက်က အကြမ်းဖက်စစ်အုပ်စုရဲ့ သော်လဲထာစစ်စခန်းကို KNU/KNLA က ဝင်ရောက် သိမ်းပိုက်တိုက်ခိုက်ခဲ့တာဖြစ်ပါတယ်။
KNU ဖက်ကလည်း ဗိုလ်တစ်ဦးအပါအဝင် ၄ ဦးကျဆုံးခဲ့ပြီး ၂ ဦး ဒဏ်ရာရခဲ့တယ်လို့ အဲ့ဒီ ထိုင်းသတင်းဌာနကဆိုပါတယ်။
အင်အား ၁၀၀ လောက်ရှိတဲ့ အဲ့ဒီ စစ်စခန်းကို သိမ်းပိုက်နိုင်ခဲ့ကြောင်းကို KNU တပ်မဟာ ၅ ပြောရေးဆိုခွင့်ရှိသူက ပြောထားပြီး အကြမ်းဖက် စစ်ကောင်စီတပ်ဖွဲ့ဝင်တွေ သေဆုံးမှုနဲ့ ဖမ်းဆီးရရှိမှုအခြေအနေတွေကိုတော့ ထုတ်ပြန်ထားခြင်းမရှိသေးပါဘူး။
Public Service Announcement
