ရန်ကုန်မြို့ ဗဟန်းမြို့နယ် ဗဟန်းစျေးအနီးတွင် ယနေ့ (မေလ ၉ ရက်) နံနက်ပိုင်း၌ လူငယ်များ စုပေါင်း၍ စစ်အာဏာရှင်ဆန့်ကျင်ရေး ချီတက် ဆန္ဒပြကြခဲ့သည်။
ယင်းသပိတ်စစ်ကြောင်းတွင် ဗဟန်း၊ စမ်းချောင်း၊ ကြည့်မြင်တိုင်၊ လှိုင် စသည့် မြို့နယ်အသီးသီးမှ လူငယ်များနှင့် အလွှာလွှာ အသီးသီးမှ ပြည်သူများ တစ်ရာ ဝန်းကျင် ပါဝင်သည်။
လူငယ်များသည် “အပီကြမ်းမယ့် ဒီဗဟန်းပြန်လာပြီ”၊ ” ဂျပုမပိုင်တဲ့ ငါတို့လှိုင်” စသောစာတမ်းကိုင်ဆောင်၍ စစ်အာဏာရှင်ဆန့်ကျင်ရေးနှင့် ဒီမိုကရေစီ ရရှိရေး ဆန္ဒပြကြွေးကြော်၍ ဗဟန်းစျေးမှတစ်ဆင့် ရွှေတိဂုံဘုရား အရှေ့ဘက်မုဒ် စျေးတန်းနားအထိ ချီတက် ဆန္ဒပြခဲ့သည်။
စစ်အာဏာရှင် ဆန့်ကျင်ရေး ဆန္ဒပြသည့် လူငယ်များကို စစ်ကောင်စီက အကြမ်းဖက် ဖြိုခွင်း ပစ်ခတ်မှုများ ရှိနေသော်လည်း လူငယ်များက နေ့စဉ်ရက်ဆက် ပျောက်ကြားစနစ် ပုံစံဖြင့် ဆန္ဒပြပွဲ ပြုလုပ်ခဲ့သလို ယခုရက်ပိုင်းအတွင်း လမ်းမကြီးများပေါ်အထိ ဆန္ဒပြပွဲများ အရှိန်အဟုန်မြှင့် အားကောင်းလာသည်။