▪︎အများသုံးသန့်စင်ခန်းအတွင်း WY ဆေးပြားများတွေ့
အာဏာသိမ်းပြီးနာက်ပိုင်းတွင် မြန်မာပြည်သူများ အထွဋ်အမြတ်ထားသည့် ရွှေတိဂုံဘုရား၌ မူးယစ်ဆေးဝါးသုံးစွဲမှုများရှိလာကြောင်း ရွှေတိဂုံဘုရားမှ အရင်းအမြစ်အချို့နှင့် ဘုရားဖူးပြည်သူက လူထုနွေဦးသို့ပြောသည်။
“ရွှေတိဂုံစေတီတော် ဝတ္တကနယ်မြေအတွင်းတွင်ရှိသော အများသုံးသန့်စင်ခန်းများအတွင်းမှာပင် သုံးစွဲနေမှုကရှိနေပါတယ်။အာဏာသိမ်းပီးနောက်ပိုင်း ရွှေတိဂုံစေတီတော်ပေါ်တွင် ရဲဘက်စစ်ဘက်များကို အင်အားတိုးချထားရာမှ ထိုကဲ့သို့ မူးယစ်ဆေးသုံးစွဲမှုက ပေါ်ပေါက်လာခြင်းဖြစ်ပါတယ်။ “ဟု ရွှေတိဂုံဘုရာမှ သတင်းအရင်းအမြစ်တစ်ဦးကPeople’s Spring သို့ပြောသည်။
အာဏာသိမ်းပြီးနောက်ပိုင်း၌ ရွှေတိဂုံဘုရားတွင် စစ်ကောင်စီတပ်ဖွဲ့ဝင်များ နှင့် ရဲတပ်ဖွဲ့ဝင်များကိုလုံခြုံရေးတိုးမြှင့်ချလာပြီး ၊စစ်သားနှင့် ရဲများ ပိုများလာပြီးနောက်ထိုသို့ကြုံတွေလာခြင်းဖြစ်ကြောင်းစုံစမ်းသိရသည်။
Public Service Announcement
ရွှေတိဂုံဘုရားသို့ မကြာခဏသွားရောက်ဘုရာဖူးလေ့ရှိသောပြည်သူတစ်ဦးကလည်း “အနောက်ဘက်စောင်းတန်းက အိမ်သာတွေဆို ညနေဘက်သွားရင် ပေါ်တင်လုပ်နေတာ ဆေးနံ့တွေ မွှန်ထူနေတာပဲ။ ” ဟုပြောသည်။
ရွှေတိဂုံဘုရား၏ အများသုံးသန့်စင်ခန်းများအတွင်း၌ WY ဆေးပြားများပါသည့် အထုတ်ကို ဘုရားဖူးတစ်ဦးက တွေ့ရှိခဲ့သည်ဟု ၎င်းကဆိုသည်။
“အရင်က အဲ့လိုမျိုးအသံမထွက်ဖူးဘူး လုံး၀Clean ကျွန်တော်တို့ထဲကမသုံးဘူးဆိုတာ အတိအကျပြောလို့ရတယ်။ အဲ့ဒါက ဘယ်သူတွေသုံးတယ်ဆိုတာကျ ဘုရားကြီးရဲ့ လေးဘက် လေးတန် စောင်းတန်းတွေမှာ လုံခြုံရေးစက်တွေရှိနေတာပဲ ဆိုတော့ ဒါသုံးတဲ့သူက ဘုရားပေါ်မှာတာ၀န်ကျနေတဲ့ သူတွေ အဓိက(ရဲနဲ့စစ်ဘက်)ကသူတွေရောက်လာမှ ဒါမျိုးကြားရတာ ယုံတောင်မယုံနိုင်ဘူး” ဟု ရွှေတိဂုံဘုရားမှ ဝန်ထမ်းတစ်ဦးက မှတ်ချက်ပေးသည်။
ဗုဒ္ဓဘာသာ မြန်မာလူမျိုးများ အထွဋ်အမြတ်ထားသည့် ဘုရားပေါ်တွင် မူးယစ်ဆေးဝါးသုံးစွဲခြင်းသည် ဘာသာသာသနာ ညှိုးနွမ်းစေသောကိစ္စဖြစ်ကြောင်း အထက်ပါဝန်ထမ်းကပြောသည်။
ဘုရားအနီးမူးယစ်ဆေးဝါး ရောင်းဝယ် ၊သုံးစွဲမှုမှ ဘုရားလုံခြုံရေးအတွက်ဆိုကာ ရောက်လာသောစစ်ကောင်စီတပ်သားများနှင့် ရဲများနှင့် ဆက်စပ်နိုင်ကြောင်း အထက်ပါသတင်းရင်းမြစ်များကပြောသည်။
ဗုဒ္ဓဘာသာများ၏ထုံးစံအရ လပြည့်လကွယ်နေ့များနှင့် အခါကြီး ရက်ကြီးများတွင် ရွှေတိဂုံဘုရားသို့ လာရောက်သူများပြားလေ့ရှိသည်။
စစ်ကောင်စီအာဏာသိမ်းပြီးချိန်၌ စစ်ကောင်စီကပြည်သူများ တော်လှန်ရေးတွင် စိတ်မဝင်စားဘဲ အပျော်အပါးတွင် နစ်မျှောနေစေရန် ဘားများ ကလပ်များတွင်လည်း မူးယစ်ဆေးဝါးများကို တရားဝင်အသုံးပြုခွင့်ပြုထားကြောင်း ဘားနှင့် ကလပ်များသို့ သွားရောက်ဖူးသူ အချို့ကပြောသည်။
