Connect with us

Hi, what are you looking for?

LuduNwayOo

News

မြန်မာစစ်တပ်၏ ဖိနှိပ်မှုများအဆုံးသတ်​ရေး ဝိုင်းဝန်းကူညီကြရန် ကုလတိုက်တွန်း

မြန်မာစစ်တပ်အနေဖြင့် ပြည်သူများ၏ ဆန္ဒကိုလေးစားရန် နှင့် နိုင်ငံ၏ အေးချမ်းတည်ငြိမ်ရေးကို အလေးထား၍ ဆောင်ရွက်ရန် ထပ်မံတိုက်တွန်း

မြန်မာစစ်တပ်၏ ဖိနှိပ်မှုများ အဆုံးသတ်ရေး ဒေသတွင်းအဆင့် ကြိုးပမ်းအားထုတ်မှုများကို ပံ့ပိုးကူညီပေးရန် အထွေထွေအတွင်းရေးမှူးချုပ်၏​ပြော​ရေးဆိုခွင့်ပုဂ္ဂိုလ်က နိုင်ငံတကာသို့ တိုက်တွန်း​တောင်းဆိုလိုက်​​ကြောင်း ယ​နေ့တွင် ထုတ်ပြန်သည်။

ကုလသမဂ္ဂအထွေထွေအတွင်းရေးမှူးချုပ်၏ ပြောရေးဆိုခွင့်ရပုဂ္ဂိုလ်မှ မြန်မာနိုင်ငံဆိုင်ရာ ထုတ်ပြန်ချက်အပြည့်အစုံမှာ ​အောက်ပါအတိုင်းဖြစ် သည်။

စစ်တပ်မှ အာဏာသိမ်းယူပြီး ရက်ပေါင်းတစ်ရာ ပြည့်လာချိန်တွင် အရပ်သားရာနှင့်ချီ သေဆုံးခဲ့ရပြီး တရားဥပဒေမဲ့ ဖမ်းဆီးခြင်းနှင့် အခြားလူ့အခွင့်အရေးချိုးဖောက်မှုပေါင်းများစွာ ဖြစ်ပေါ်ခဲ့ရာ ကုလသမဂ္ဂအထွေထွေအတွင်းရေးချုပ်က မြန်မာစစ်တပ်အနေဖြင့် ပြည်သူများ၏ ဆန္ဒကိုလေးစားရန် နှင့် နိုင်ငံ၏ အေးချမ်းတည်ငြိမ်ရေးကို အလေးထား၍ ဆောင်ရွက်ရန် ထပ်မံတိုက်တွန်းလိုက်ပါ သည်။

ထို့ပြင်အာဆီယံအသင်းကိုလည်း ၎င်းတို့ ဆောင်ရွက်နေသည့်ကိစ္စများအား အချိန်မဆိုင်းဘဲ ဆက် လက်လုပ်ဆောင်ရန်နှင့် နိုင်ငံတကာအသိုင်းအဝိုင်းကိုလည်း စစ်တပ်၏ ဖိနှိပ်မှုများ အဆုံးသတ်ရေး ဒေသတွင်းအဆင့် ကြိုးပမ်းအားထုတ်မှုများကို ပံ့ပိုးကူညီပေးရန် အထွေထွေအတွင်းရေးမှူးချုပ်က တိုက်တွန်းအားပေးပါသည်။ နိုင်ငံတကာအသိုင်းအဝန်းအနေဖြင့် တိုးပွားလာသော လူသားချင်း စာနာထောက်ထားမှု လိုအပ်ချက်များကို တုံ့ပြန်ဖြေဆည်းပေးကြရန်လည်း တိုက်တွန်းပါသည်။

ကုလသမဂ္ဂအထွေထွေအတွင်းရေးမှူးချုပ်၏ အထူးကိုယ်စားလှယ် Christine Schraner Burgener သည် ယခုအချိန်တွင် အာဆီယံဒေသသို့ ရောက်ရှိနေပြီး မြန်မာနိုင်ငံအကျပ်အတည်းကြောင့် ပိုမို ကျယ်ပြန့်သော ရိုက်ခတ်မှုများ ဖြစ်ပေါ်နိုင်သောကြောင့် အဓိကကျသည့် အကျိုးဆက်စပ်သက်ဆိုင်သူ အမျိုးမျိုးနှင့် အားသွန်ခွန်စိုက် ဆွေးနွေးညှိနှိုင်းနေပါသည်။ သူမအနေဖြင့် နိုင်ငံတကာလုပ်ဆောင်မှုများ အချိတ်အဆက်မိမိဖြစ်စေရေး ဆက်လက်အားပေးဆောင်ရွက်နေပါသည်။

ကုလသမဂ္ဂအထွေထွေအတွင်းရေးမှူးချုပ်သည် မြန်မာပြည်သူများနှင့်အတူ ဆက်လက်ရပ်တည် သွားမည်ဖြစ်ပါသည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

ပညာသင်ကြားနေကြသည့် ကလေးငယ်များအား ပစ်မှတ်ထား တိုက်ခိုက်ခြင်းသည့် မြန်မာစစ်တပ်သည် လူမဆန်၊ ကြမ်းကြုတ်သည့် စစ်ရာဇဝတ်မှု ကျူးလွန်ခြင်းဖြစ်သောကြောင့် ယခုလို အွန်လိုင်းဓာတ်ပုံကမ်းပိန်းပြုလုပ်ရခြင်းဖြစ်ကြောင်း ကမ်းပိန်းတွင်ပါဝင်သည့် ကိုရီးယားပြည်သူတစ်ဦးက ပြောသည်။

သတင်း

ဒါ့အပြင် ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းကို ဆက်လက်ခန့်ထားရေး၊ မြန်မာကိုကူညီသောအားဖြင့် ဝိုင်းကလစ်ပေးဖို့ လက်ကမ်းစာစောင်ဝေခြင်းနဲ့ အလှူခံခြင်းတို့လည်း ပြုလုပ်ခဲ့ကြတယ်လို့ သိရပါတယ်။

သတင်း

ကုလသမဂ္ဂအထွေထွေအတွင်းရေးမှူးချုပ်ထံ လိပ်မူသော စာ၌ ကုလသမဂ္ဂအဖွဲ့အစည်းများသည် မြန်မာစစ်အုပ်စုကို တရားဝင်မှုရရှိစေရေး လုပ်ဆောင်နေမှုများကို ရပ်တန့်ရမည်ဟု ဖော်ပြသည်။

သတင်း

JFM သည် စစ်အာဏာသိမ်းကြိုးပမ်းမှုနောက်ပိုင်း မြန်မာစစ်တပ်ကို ငွေကြေး၊ လက်နက်များကို အထောက်အပံ့ပြုနေသည့် ကုမ္ပဏီ ၃၁ ခုကို အရေးယူပိတ်ဆို့ရန် ဖော်ထုတ်ထားသည်။