စစ်ကောင်စီ သြဇာခံ PNO စစ်​​​ကောင်စီကိုကူရန်မိုးဗြဲဆည်အရှေ့ဘက်ကမ်းသို့ ရောက်နေဟု ဒေသခံပြော

“ကျွန်တော့သူငယ်ချင်းဖုန်းဆက်လာတယ်။မိုးဗြဲဆည်ရဲ့ အရှေ့ဘက်ကမ်းမှာ PNOတွေ ရွာထဲမှာလည်း ဝင်လာပြီတဲ့။ အင်အား ရာနဲ့ချီ ရှိတယ်တဲ့။အရှေ့ဘက်ကမ်းမှာ ညောင်ပင်သာ ၊ နမ့်ပေါ်လုံ၊ နောင်လိုင် တို့ အဲဒီရွာတွေရှိတယ်”ဟု ၎င်းကဆိုသည်။

ကယားပြည်နယ် ဒီးမောဆိုမြို့နယ်တွင် ဒေသခံ ပြည်သူ့ကာကွယ်ရေးတပ်နှင့် စစ်ကောင်စီတို့အကြား မေလ ၂၁ရက်မှစ၍ သုံးရက်ဆက် တိုက် ပွဲများ ဖြစ်ပွားပြီးနောက် စစ်ကောင်စီက ၎င်းး၏ ကွပ်ကဲမှုအောက်ရှိ ပအိုဝ်းပြည်သူ့စစ် PNO ကို စစ်အင်အားများ ပေးပို့ရန် တောင်း ထားကြောင်း သိရသည်။

PNOအနေဖြင့် စစ်ကောင်စီ၏ လက်ကိုင်တုတ် အဖြစ် မလုပ်သင့်ကြောင်း မိုးဗြဲဒေသခံက ပြောသည်။

“စစ်တပ်ရဲ့ လက်ကိုင်တုတ်လုပ်ပြီး ဒီမှာ ဝင်လာပြီဆိုရင် တော့ ကျွန်တော်တို့ ကရင်နီဘက်ကလည်း တိုင်းရင်းသားအချင်းချင်းဆိုပေမယ့် တိုက်စရာရှိ တိုက်ရမှာပဲ၊ ပြည်သူလူထုက ခုခံရမှာပဲ။ ဒီအပေါ်မှာ ကိုယ့်သမိုင်း ကိုယ်ရေးပေါ့”ဟု ဒေသခံက ပြောသည်။

Public Service Announcement

စစ်ကောင်စီအတွက် စစ်ကူလိုက်လာသည့် PNO တပ်နှင့် တိုင်းရင်းသား လက်နင်ကိုင် ကယန်းပြည်သစ် ပါတီ အကြား ထောက်ပို့ရွာအနီး တိုက်ပွဲဖြစ်ပွားခဲ့‌ေကြာင်း ကြားသိရသော်လည်း အတိအကျ အတည်မပြုနိုင်သေးဟု ၎င်းက ဆိုသည်။