စစ်ကောင်စီက ခန့်အပ်ထားသော တရားမဝင်ရွေးကောက်ပွဲကော်မရှင်သည် ၂၀၂၀ ရွေးကောက်ပွဲအနိုင်ရပါတီ အင်န်အယ်လ်ဒီကို ဖျက်သိမ်းရန်လုပ်ဆောင်မည်ဟု ထုတ်ဖော်ပြောကြားအပြီး ယင်းနှင့်ပတ်သက်၍ ဥရောပသမဂ္ဂ၏ မေလ ၂၃ ရက်သတင်းထုတ်ပြန်ချက်၌ ဖော်ပြခြင်းဖြစ် သည်။
“ဒီအဆိုပြုချက်(အင်န်အယ်လ်ဒီကိုဖျက်သိမ်းရန်)ကို ကော်မရှင်က ဆက်လုပ်မယ်ဆိုရင် မြန်မာ ပြည်သူတွေရဲ့ဆန္ဒနဲ့ ဥပဒေပိုင်ဆိုင်ရာလုပ်ငန်းစဉ်တွေအပေါ် အာဏာသိမ်းစစ်တပ်က ဗြောင်ကျ ကျလျစ်လျူရှုမှုကို ထပ်မံပြသလိုက်တာဖြစ်ပါလိမ့်မယ်” ဟု အီးယူက ဆိုသည်။
ပြီးခဲ့သည့် နိုဝင်ဘာရွေးကောက်ပွဲများသည် မြန်မာပြည်သူလူထု၏ဆန္ဒကို အခိုင်အမာထင်ဟပ် စေပြီး ယင်းအချက်ကို ပြည်တွင်းနှင့် နိုင်ငံတကာ လွတ်လပ်သော ရွေးကောက်ပွဲလေ့လာစောင့် ကြည့်သူများက အတည်ပြုပြီးဖြစ်ကြောင်း ဥရောပသမဂ္ဂ၏ထုတ်ပြန်ချက်၌ ဖော်ပြသည်။
စစ်တပ်၏ တစ်ဖက်သတ်အာဏာရှင်ဆန်သော ဆုံးဖြတ်ချက်နှင့် ၎င်းတို့၏ တရားမဝင်ခန့်အပ်ထားသော ရွေးကောက်ပွဲဆိုင်ရာကော်မရှင်အဖွဲ့ဝင်များက ၂၀၂၀ နိုဝင်ဘာ ရွေးကောက်ပွဲ ရလဒ်ကို မပယ်ဖျက်နိုင်ကြောင်း ဆက်လက်ဖော်ပြသည်။
Public Service Announcement
“ဖိနှိပ်ခြင်း ဒါမှမဟုတ် အခြေအမြစ်မရှိတဲ့တရားစွဲဆိုခြင်းတွေက မြန်မာစစ်တပ်ရဲ့ တရားမဝင် အာဏာသိမ်းမှုကို တရားဝင်အသိအမှတ်ပြုမှု ရရှိစေမှာမဟုတ်ပါဘူး။ ပြည်သူလူထုရဲ့ဆန္ဒကို လေးစားခြင်းကသာ မြန်မာနိုင်ငံကို ဒီမိုကရေစီလမ်းကြောင်းပေါ် ရောက်ရှိစေမှာဖြစ်ပြီး တည် ငြိမ်မှုနဲ့ စဉ်ဆက်မပြတ်ဖွံ့ဖြိုးမှုကို ရရှိစေမှာဖြစ်ပါတယ်” ဟု ဥရောပသမဂ္ဂက ထုတ်ပြန်သည်။
